АБНА24 Хәбәр Верир, Ријад Мәнсур БМТ-нин баш катибинә, тәһлүкәсизлик шурасынын норвечли дөври сәдринә вә БМТ Баш Ассамблејасынын сәдринә мәктубда гәсбкар сионист режимин Фәләстин халгы вә әразисинә гаршы мүтәшәккил һүҹумлары илә әлагәдар Фәләстинин етиразыны елан едиб.
Ријад Мәнсур бу мәктубда билдириб ки, Фәләстин халгына гаршы тәҹавүзләринә ҝөрә, ишғалчы Исраил режиминин мәсулијјәтә ҹәлб олунмамасы, даһа артыг ҹинајәт төрәтмәк үчүн бу режими даһа да һәјасызлашдырыр.
Фәләстинин БМТ-дәки нүмајәндәси 2021-ҹи или сионист режимин Гәззә золағына гаршы 2014-ҹү ил һәрби тәҹавүзүндән бәри ән ганлы ил адландырыб. Билдириб ки, 2021-ҹи илдә ишғал олунмуш әразиләрдә 86-сы ушаг олмагла 324 фәләстинли сионист режим һәрбчиләри тәрәфиндән шәһид едилиб.
Ријад Мәнсур бу мәктубда һәмчинин сионист режим һәрбчиләри илә сионист гәсәбә сакинләринин Фәләстиндәки мүгәддәс мәканлара гаршы һүҹум вә тәҹавүзләринә, еләҹә дә бу режим тәрәфиндән фәләстинлиләрин мәнзилләринин дағыдылмасына ишарә едиб. Гејд едиб ки, сионистләрин Фәләстиндәки мүгәддәс мәканлара ганунсуз ҝириши бу мәканлардакы тарихи вә гануни вәзијјәтин ашкар сурәтдә позулмасы демәкдир.
Фәләстинин БМТ-дәки нүмајәндәси бу мәктубда сионист режимин ҹинајәтләрини писләјиб,/ дүнја иҹтимаијјәтинин сионистләрин ҹинајәтләринә дәрһал реаксија ҝөстәрмәсини тәләб едиб.
342/
14 yanvar 2022 - 10:11
Xəbər kodu: 1218762
Фәләстинин БМТ-дәки нүмајәндәси Фәләстин халгы вә әразисинә гаршы мүтәшәккил һүҹумларына ҝөрә, чәршәнбә ҝүнү сионист режимдән БМТ-јә вә бу тәшкилатын тәһлүкәсизлик шурасына шикајәт едиб.
