АБНА24 Хәбәр Верир, Иран Ислам Республикасы Ордусунун Али Баш Командан әвәзи бригада ҝенералы Мәһәммәд Һүсејн Дадрәс ордунун забитлик тәләбәләринин андичмә мәрасими вә једдинҹи бирҝә илкин дөјүш курсларынын башланыш мәрасиминдә әлавә едиб:"Сионист режимин бош-боғазлығынын сәбәби будур ки, онун бизимлә мүбаризә апармаға ҝүҹү чатмыр вә әҝәр нә вахтса гәзәбимизә түш гәләрсә, ајаға галха билмәјәҹәк".
Иран Ислам Республикасы Ордусунун Али Баш Командан әвәзи гејд едиб ки, әҝәр дүнјанын бөјүк дөвләтләри Иранла данышыглар апарыр, бу, милли бирлијин вә мүдрик бир рәһбәрин сајәсиндә әлдә едилән Ислам Республикасынын гүдрәтинә ҝөрәдир.
Бригада ҝенералы Дадрәс мүдриклији, дөзүмлүлүјү вә мәсулијјәтдән јајынмамағы сәмәрәли бир дөјүшчүнүн хүсусијјәтләриндән адландырараг, дејиб: "Практикада силаһлы гүввәләрә көмәк едә биләҹәк шеј сәбир, әзм вә мүдрикликдир, јәни сән гајдалара вә мәсәләләрә мәнтиглә јанаша билмәлисән ки, сәһнәни идарә едә биләсән".
Иран Ислам Республикасы Ордусунун Али Баш Командан әвәзи һәмчинин сон илләрдә реҝионда мөвҹуд олан әмин-амансызлыглара вә проблемләрә тохунараг, дејиб: "Гоншу өлкәләрдәки бүтүн иғтишашлар вә һадисәләрә бахмајараг, Иран там тәһлүкәсизликдәдир".
342/
13 yanvar 2022 - 15:51
Xəbər kodu: 1218551
Иран ордусунун Али Баш Командан әвәзи сионист режимин Иранла гаршылашмаг ҝүҹүндә олмадығыны сөјләјиб.
