АБНА24 Хәбәр Верир, 2021-ҹи ил әрзиндә Азәрбајҹанын ермәни ишғалындан азад олунмуш әразиләриндә үмумиликдә 20 165 һектар әрази тәмизләниб, 41 503 әдәд мина вә партламамыш һәрби сурсат ашкар едилиб. Бу барәдә Азәрбајҹан Минатәмизләмә Аҝентлијинин (АНАМА) Идарә Һејәтинин сәдри Вүгар Сүлејманов билдириб.
Минатәмизләмә ишләри АНАМА мүтәхәссисләри тәрәфиндән Мүдафиә Назирлији, Фөвгәладә Һаллар Назирлији вә Дөвләт Сәрһәд Хидмәтинин нүмајәндәләри илә бирликдә апарылыр.
Онун сөзләринә ҝөрә, өтән илин јекунларында 6 000 һектар әразинин тәмизләнмә өһдәлији гаршысында, АНАМА-нын минаахтаранлары 6 201 һектар әразини мина вә партламамыш һәрби сурсатлардан тәмизләјәрәк аидијјәти үзрә тәһвил вериб.
О билдириб ки, өтән ил имзаланан мүгавиләләрә әсасән 2022-ҹи илдә дә Азәрбајҹана әлавә техника вә аваданлыгларын ҝәтирилмәси планлашдырылыр.
Рәсми мәлуматлара ҝөрә, Ермәнистан вә Азәрбајҹан арасында 30 иллик мүнагишәдә дөјүш әмәлијјатларынын дајандырылмасы илә бағлы Азәрбајҹан, Ермәнистан вә Русија лидерләринин имзаладығы 2020-ҹи ил 10 нојабр тарихли бәјанатдан сонра һәмин әразиләрдә минаја дүшмәләри нәтиҹәсиндә 25 мүлки шәхс, 7 һәрби гуллугчу һәлак олуб, 97 һәрби гуллугчу, 40 мүлки шәхс мүхтәлиф дәрәҹәли бәдән хәсарәтләри алыб.
342/
8 yanvar 2022 - 19:41
Xəbər kodu: 1216995
Азәрбајҹан Республикасында 2021-ҹи илдә ишғалдан азад олунмуш әразиләрдә 44 мин мина зәрәрсизләшдирилиб.
