АБНА24 Хәбәр Верир, атышма шәһәрин мәркәзиндә баш верир. Шәһәрин диҝәр һиссәләриндә вәзијјәтин нисбәтән сакит олдуғу дејилир.
Мәлуматда дејилир ки, шәһәр әһалиси шүбһәли инсан групларыны мүәјјән етмәкдә полисә көмәк едир. Јараглы дәстәләр кичик мејданларда, паркларда ҝизләнирләр. Ҝүҹлү думан полисин ишини чәтинләшдирир.
Сахланыланларын вә өлдүрүләнләрин дәгиг сајы мәлум дејил. Амма тәхмини мәлуматлара ҝөрә етиразларын башландығы ҝүндән индијәдәк 4 миндән чох адам тутулуб, шәһәр моргларынын мејитләрлә долу олдуғу билдирилир.
Бу арада КТМТ континҝенти ады алтында Русија десант гошунларынын да Газахыстана јеридилмәси давам етдирилир. Русија Мүдафиә Назирлијинин бу ҝүн јајдығы мәлумата ҝөрә Ивановск вилајәтиндә һава-десант гошунларынын вә онларын техникасынын Газахыстана ҝөндәрилмәк үчүн Ил-76 тәјјарәләринә јүкләнмәси давам едир. Ҝүн әрзиндә 20 рејс һәјата кечирилмәси нәзәрдә тутулур.
Диҝәр тәрәфдән Газахыстандан рус десантчыларынын мүлки сакинләрә, һеч бир силаһ дашымајан вә һәтта етираз аксијаларында белә иштирак етмәјән динҹ инсанлара атәш ачыб өлдүрдүјүнә даир чохсајлы мәлуматлар дахил олур.
Шаһидләрдән бири дејиб ки, өлдүрүләнләрин мејитләри вә јаралылар көмәксиз һалда сәһәрә гәдәр күчәдә галыб. Сәһәрә јахын онларла тәҹили јардым машыны ҝәләрәк мејитләри морга апарыб.
Газахыстанда вәзијјәтин ҝәрҝинләшмәси фонунда Франсада олан кечмиш банкир вә кечмиш енерҝетика назири Мухтар Аблјазов өзүнү өлкәни бүрүмүш индики етиразларын лидери елан едиб. О, өз ачыгламасында Гәрби ситуасијаја мүдахилә етмәјә вә Путинә Газахыстаны икинҹи Беларуса чевирмәјә имкан вермәмәјә чағырыб.
Бундан әлавә бир груп етиразчы “Газахыстан Азадлыг Ҹәбһәси” адлы силаһлы дәстәнин јарадылдығыны елан едиб. Груп рәһбәрләри Газахыстан халгына видеоформатда мүраҹиәт едибләр.
Онлар мәгсәдләрини өлкәдәки КТМТ гүввәләринә гаршы мүбаризә вә өлкәнин азад едилмәси адландырыблар.
Онлар һәмчинин мүстәгил үсјанчы груплар јаратмаға вә тәһлүкәсизлик гүввәләринә һүҹумлар тәшкил етмәјә чағырыблар.
342/
8 yanvar 2022 - 19:39
Xəbər kodu: 1216993
Газахыстанын Алматы шәһәриндә јенидән атышма башлајыб.
