Халг үсјаны давам едир; Назарбајевин истефасы тәләб олунур-Јениләнир

АБНА24 Хәбәр Верир, јанварын 5-дә ҝүнорта Алматыда етиразчылар мерија бинасына дахил олублар вә бинаны јандырыблар. Ејни заманда, шәһәр прокурорлуғу әлә кечирилиб, орада да јанғын баш вериб.

Јерли КИВ-ләрин мәлуматына ҝөрә, етиразчылар арматур, чубуг вә галханларла силаһланыблар. Мерија бинасы гаршысында полислә гаршыдурма давам едир. Бинаја минләрлә инсан һүҹум едиб. Полис сәс гумбараларындан истифадә едиб, амма бу, көмәк етмәјиб.

Бундан әлавә минләрлә етиразчы Газахыстан президентинин Алматыдакы игамәтҝаһыны әлә кечириб. Онлар һәмчинин һаким "Нур Отан" ("Вәтән ишығы") партијасынын бинасыны әлә кечирибләр вә јандырыблар. Бу партија Газахыстанын биринҹи президенти Нурсултан Назарбајев тәрәфиндән гурулуб.

Гејд едәк ки, Газахыстанда етиразлар јанварын 2-дә Мангистау вилајәтинин Жанаозен вә өлкәнин ҹәнуб-гәрбиндә јерләшән Актау шәһәрләриндә башлајыб, бурада сакинләр јанаҹағын јүксәк гијмәтләринә гаршы аксија кечириб. Ики ҝүн сонра исә Алматыда өлкәнин шәргиндә иғтишашлар башлајыб.Полис аксијаны дағитмаг үчүн ҝөзјашардыҹы газдан истифадә едиб.

Дахил олан мәлуматлара әсасән, етиразлар ири шәһәрләрдән даһа биринә-Кустанаја сычрајыб. Телеҝрам-каналларда јајылан ҝөрүнтүләрә әсасән полис етиразларын гаршысыны алмаг үчүн Кустанаја ҝедән јолу бағлајыб. Диҝәр кадрларда Алматыда јанан машынлар ҝөрүрнүр. Кадрлара әсасән алова бүрүнмүш бир нечә автомобил јолун ортасында галыб, шәһәрин мәркәзини түстү бүрүјүб вә ҝөрмә чәтинләшиб. Етиразчылар нүмајишләрин дағыдылмасы үчүн нәзәрдә тутулан хүсуси техниканы да әлә кечириб вә онун үстүнә минәрәк шәһәрин мәркәзинә тәрәф һәрәкәт едирләр.

Етиразларын башладығы Жанаозен шәһәриндә исә фәаллар һакимијјәт гаршысында беш тәләб гојуб. Бу тәләбләрә әсасән Газахыстанда режим дәјишмәли, вилајәт рәһбәрләринин (һакимләрин) халг тәрәфиндән азад сечкиләрлә бирбаша сечилмәси тәмин олунмалы, 1993-ҹү ил Конститусијасы бәрпа едилмәли, һакимијјәтә индики системлә әлагәси олмајан јени адам ҝәлмәлидир.

Һабелә Жанаозендә вә диҝәр шәһәрләрдә етиразчылар вахташыры олараг “Гоҹа, ҝет!” шүарлары сәсләндирирләр. “Гоҹа” исә Газахыстанын кечмиш президенти вә Тәһлүкәсизлик Шурасынын индики өмүрлүк катиби Нурсултан Назарбајевдир. Етиразчылар Нурсултан Назарбајевин сијасәтдән ҝетмәсини тәләб едирләр.

Бу арада Газахыстанын пајтахты Нур-Султанда фөвгәладә вәзијјәт елан едилиб. Бу барәдә өлкә президенти Касым-Жомард Токајев фәрман имзалајыб.

Мәлумата ҝөрә, фөвгәладә вәзијјәт јанварын 5-дән 19-дәк давам едәҹәк.

342/