АБНА24 Хәбәр Верир, Мәктубда дејилир: Бејнәлхалг сүлһ вә тәһлүкәсизлији горумаг вә бејнәлхалг инсан һүгуглары системинә һөрмәтлә јанашмаг үчүн тәклиф едилир ки, бу ассамблеја өзүнүн бүтүн гануни ихтијарларындан, о сырадан гәтнамә вермәкдән истифадә едиб, бир дөвләт тәрәфиндән диҝәр бир дөвләт вә дипломатија рәсмисинин террор олунмасыны писләсин.
Ејни заманда, Ирагын Һәшдүшшәби тәшкилатынын тәрәфдарларындан минләрлә нәфәр дүнән Бағдадда АБШ-ын ПУА һүҹумунда шәһид олмуш Сепаһ-ын Гүдс гүввәләринин кечмиш команданы ҝенерал Сүлејманинин шәһадәтинин икинҹи илдөнүмү мүнасибәтилә аксија кечириб.
Аксија шәнбә ҝүнү Бағдад мејданында вә ҝүҹлү тәһлүкәсизлик тәдбирләри алтында кечирилиб. Мүгавимәт гүввәләринин бир чоху өз аилә үзвләрилә јанашы, онда иштирак едибдир. Әлләриндә шәһидләр Сүлејмани вә Әлмүһәндисин шәкилләрини тутан аксијачылар Америка әлејһинә шүарлар сәсләндирибләр.
Бир чох аналитик Американын ҝенерал Сүлејманијә гаршы террор ҹинајәтини дөвләт терроризиминин нүмунәси адландырыб.
Бирләшмиш Штатлар индијә кими бу ҹинајәтдән һеч бир наилијјәт әлдә етмәјиб вә Американын ҝөзләнтиләринин әксинә олараг, бу ҝүн Сүлејмани Јахын Шәрг бөлҝәсиндә үмид, өзүнәинам, рәшадәт символу,/ мүгавимәт вә гәләбә рәмзидир.
Бәзиләри дүз дејибләр ки; «шәһид Сүлејмани» дүшмәнләри үчүн «ҝенерал Сүлејмани»дән даһа тәһлүкәлидир.
Ислам Ингилабынын Бөјүк Рәһбәри бу реаллығын бәјанында бујурублар: Дүшмәнләр елә тәсәввүр едирдиләр ки, Сүлејманинин, Әбу-Меһдинин вә онларла јанашы оланларын шәһадәти илә иш битәҹәк, амма бу ҝүн о әзиз вә мәзлумҹасына ганларын баһасына, Америка Әфганыстандан гачыб, Ирагда чыхмағы ҝөстәрмәјә вә һәрби иштирак олмадан һәрби мәсләһәтчи ролуну елан етмәјә мәҹбурдур. Әлбәттә, ираглы гардашлар сајыглыгла бу мәсәләни изләмәлидирләр. Јәмәндә мүгавимәт ҹәбһәси ирәлиләмәкдәдир. Суријада дүшмән илишиб галыб, ҝәләҹәјә үмидини итириб вә бүтөвлүкдә реҝионда анти-империализм вә мүгавимәт ҹәрәјаны бу ҝүн ики ил бундан өнҹәкиндән даһа рөвнәгли, даһа тәравәтли вә даһа үмидвар шәкилдә фәалијјәтдәдир.
2020-ҹи ил јанварын үчү, сәһәр саатларында ҝенерал Сүлејмани вә Ирагда халг гүввәләри тәшкилатынын рәис мүавини Әбу-Меһди Әлмүһәндис диҝәр сәккиз нәфәрлә јанашы, Бағдад һава лиманы јолунда америкалы гүввәләр тәрәфиндән истигамәтләндирилән бир террор һүҹумунда американ пилотсузлардан ачылан ракет атышлары илә шәһид едилдиләр.
Шәһид ҝенерал-лејтенант Гасым Сүлеһмани, Әбу-Меһди Әлмүһәндис вә онлары мүшајиәт едәнләр АБШ вә сионизмин реҝиондакы сепаратчылыг планларынын зәрәрсизләшдирилмәси, ИШИД-ин мәһв едилмәси, терроризм вә дүшмәнлә дөјүш мејданында бөјүк рол ојнадылар.
Ҝенерал Сүлејмани реҝионун ИШИД-ин әлиндән хилас олмасы јолунда өз јорулмаз мүбаризәси илә Гәрби Асијаја вә ондан да ҝениш мигјаса сабитлијин гајтарылмасында өзүнәмәхсус бир рола малик иди. Америка бу террорла әслиндә ИШИД террорчуларына ағыр зәрбәләр ендирмиш бир команданлығы һәдәфә алды.
342/
2 yanvar 2022 - 15:57
Xəbər kodu: 1214766
Иран президент администрасијасынын һүгуг мәсәләләри мүавинлијинин офиси дүнән БМТ Баш Ассамблејасынын сәдринә мәктубда Гасым Сүлејманинин гәтлини писләјән гәтнамәнин верилмәсини вә онун амилләринин писләнилмәсини истәјиб.
