Иран порталы: Ермәнистан үчүн дирчәлиш шансы јараныб

АБНА24 Хәбәр Верир, иранлы политолог Һәсән Мурадхани Әлифдә јазыр ки, Икинҹи Гарабағ мүһарибәсиндә Ермәнистанын Азәрбајҹан гаршысындакы мәғлубијјәтини, ишғал олунмуш Гарабағ вә әтраф әразиләри итирдијини нәзәрә алсаг, онун тезиклә дирчәлмәси реал ҝөрүнмүр. Бунунла јанашы, мүһарибәдән сонракы просесләрин бир нечә мараглы аспекти вар. Мүһарибәдән сонра бир мараглы мәгам о гәдәр дә диггәт чәкмәди: савашда мәғлуб олмуш Никол Пашинјан неҹә олду ки, јени сечкидә гәләбә газанды? Бу бојда мәғлубијјәтдән сонра онун командасы тәхминән 54% сәси неҹә топлаја билди? Бу, шүбһәсиз ки, ермәни сијасәтчиләрини һејрәтдә гојур.

Анҹаг мараглы мәгам ондан ибарәтдир ки, Пашинјан Ермәнистан тарихиндә илк ермәнистанлы лидердир. Өлкәнин илк президенти Левон Тер-Петросјан Суријанын Һәләб шәһәриндәндир, сонракы рәһбәрләр Роберт Кочарјанла Серж Саркисјан исә Гарабағдан. Беләликлә, 30 ил әрзиндә илк дәфәдир ки, өлкәјә рәһбәрлик едән шәхсләр – истәр баш назир Никол Пашинјан, истәрсә дә президент Армен Саркијан әсл ермәнистанлыдыр.

Бундан башга, Никол Пашинјан Ермәнистанда бир нечә шејдән безмиш спектри тәмсил едир: Гарабағ мүһарибәсиндән, тәҹриддән, хариҹдәки ермәни диаспорундан асылылыгдан. Бәли, ермәниләр Гарабағ проблеминдән безмишди. Онлар гарабағлы Кочарјан вә Саркисјанын исрары илә 30 ил иди ки, Азәрбајҹанла мүнагишәнин ҝәтирдији әзијјәтләри чәкир, “ДГР”ин бејнәлхалг сәвијјәдә танынмамасынын бејнәлхалг јүкү алтында әзилирдиләр. Ермәнистанын бу 30 илдә бүтүн диггәтини Гарабаға јөнәлтмәси, ону әлиндә сахламасы ермәниләрин Ҹәнуби Гафгаздан тәҹрид олунмасы илә нәтиҹәләниб. Бунунла јанашы, 1915-ҹи илдә Османлы Түркијәсиндә баш вермиш һадисәләрдән дә гопа билмәјән Ирәванын ермәни диаспорундан даими асылылығы нәтиҹәсиндә өлкә иҹтимаијјәти даһа да парчаланмышды.

Мәгаләдә гејд олунур ки, беләликлә, Никол Пашинјан, ермәни ҹәмијјәтинин, Ермәнистанын 30 иллик “реҝионал һәбс”дән чыхмасынын сәбәбкары ола биләр.

342/