АБНА24 Хәбәр Верир, Түркијәнин хариҹи ишләр назири Мөвлуд Чавушоғлу “ТВ24” каналына мүсаһибәсиндә
билдириб ки, ҝөрүшүн дәгиг вахты һәлә разылашдырылмајыб, лакин јанварда баш тутаҹағы ҝөзләнилир.
М.Чавушоғлу, һәмчинин, әлавә едиб ки, јахын ҝүнләрдә Истанбул вә Ирәван арасында авиарејсләр ачылаҹаг.
Русија хариҹи ишләр назиринин мүавини Андреј Руденко исә дүнән ҝеҹә бир даһа өлкәсинин Түркијә вә Ермәнистан арасында мүнасибәтләрин нормаллашмасы үчүн кечириләҹәк диалог просесинә һәрһансы төһфә вермәјә һазыр олдуғуну вурғулајыб: "Биз һесаб едирик ки, тәрәфләр илкин шәртләр ирәли сүрмәдән һәр ики тәрәф үчүн мәгбул һесаб едилән мөвзуларла бағлы мүзакирәләр апармалыдыр. Бу, меһрибан гоншулуг вә етимадын бәрпасы үчүн лазыми аддымлардыр", - дејә ХИН башчысынын мүавини билдириб.
Русија ХИН сөзчүсү Марија Захарова исә дүнән өзүнүн һәфтәлик брифингиндә вердији ачыгламада дејиб ки, Түркијә вә Ермәнистан арасында әлагәләрин нормаллашмасы реҝионда үмуми вәзијјәтин јахшылашмасына төһфә вермәклә јанашы етимад вә динҹ гоншулуг мүнасибәтләринә дә ҝәтириб чыхараҹаг.
Захарова өлкәсинин Ермәнистан илә Түркијә арасында әлагәләрин нөрмаллашмасы просесиндә васитәчи кими рол ојнамаға там һазыр олдуғуну вурғулајыб.
Гејд едәк ки, Түркијә илә Ермәнистан арасында әлагәләрин нормаллашдырылмасы үзрә мүзакирәләр үчүн Түркијә тәрәфдән АБШ-дакы кечмиш сәфир Сердар Кылыч, Ермәнистан тәрәфдән исә парламентин витсе-спикери Рубен Рубинјан хүсуси нүмајәндә тәјин едилиб.
342/
31 dekabr 2021 - 12:32
Xəbər kodu: 1214012
Түркијәнин хариҹи ишләр назири Мөвлуд Чавушоғлу билдириб ки, Түркијә вә Ермәнистанын мүнасибәтләрин низамланмасы үзрә хүсуси нүмајәндәләринин илк ҝөрүшү 2022-ҹи илин јанварында баш тута биләр.
