АБНА24 Хәбәр Верир, буну Анар Ејвазов илин јекунларына даир кечирдији брифингдә дејиб.
Гурум рәсмиси билдириб ки, ҹары илдә ишғалдан азад олунан әразиләрин миналалардан тәмизләнмәси вә тәһлүкәсизлијин тәмин олунмасы истигамәтиндә ишләр апарылыб. Апарылан ишләр нәтиҹәсиндә азад олунмуш әразиләрдә 17 миндән артыг мина зәрәрсизләшдирилиб.
Онун сөзләринә ҝөрә, 2021-ҹи ил әрзиндә 13 мин һектардан артыг әрази мина вә партламамыш дөјүш сурсатларындан тәмизләниб.
Гејд олунуб ки, 2021-ҹи ил әрзиндә Мүһәндис Гошунлары тәрәфиндән азад олунан әразиләрдә нәглијјат васитәләринин тәһлүкәсиз һәрәкәтини тәмин етмәк мәгсәдилә јоллар миналардан вә гар өртүјүндән тәмизләнир, һәмчинин дағлыг вә чәтин кечилән әразиләрдә јерләшән бөлмәләрин дөјүш мөвгеләринә јени тәминат јоллары чәкилир.
Мина тәмизләнмә ишләриндә әсас сәјләр јашајыш мәнтәгәләри, әкин саһәләри, јоллар вә инфраструктур објектләринә јөнәлдилиб.
Гејд едәк ки, өтән һәфтә Иран Ислам Республикасынын хариҹи ишләр назири Һүсејн Әмир-Абдуллаһијан әразиләрин миналардан тәмизләнмәси ишиндә өлкәсинин Азәрбајҹана јардым етмәјә һазырлығыны билдирди вә иранлы назирин бу тәклифи һагда мүвафиг разылашма әлдә олунду.
342/
30 dekabr 2021 - 15:12
Xəbər kodu: 1213879
Азәрбајҹан Мүдафиә Назирлијинин мәтубат катиби ззад олунмуш әразиләрдә 17 миндән артыг минанын зәрәрсизләшдирилдијини билдириб.
