Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Иран Ислам Республикасынын Әдлијјә Назиринин Бејнәлхалг Мәсәләләр үзрә мүавини Сәрдар Сүлејманинин өлдүрүлмәсинә тохунараг дејиб: “Ишин јекунлашдырылмасы просеси елә ҝедәҹәк ки, шәһид Сүлејманинин гәтлинин сәбәбкарларынын мүһакимәси илин сонуна гәдәр (2022-ҹи илин Март ајынын 20-нә кими) формалашсын."
Әдлијјә системинин бејнәлхалг мәсәләләр үзрә мүавини вә инсан һаглары гәрарҝаһынын катиби “Казым Гәрибабади” Сәрдар Сүлејманинин өлдүрүлмәсинин икинҹи илдөнүмү әрәфәсиндә билдириб: “Ҹинајәтин баш вердији өлкә кими Ирагда мәһкәмә иши галдырылыб һәмчинин ејни заманда Теһран Ингилаб вә Бејнәлхалг Әдаләт Мәһкәмәсиндә дә бу ҹинајәтлә бағлы башга бир иш ачылыб. Ики өлкә бу мәсәләни арашдырмаг үчүн бирҝә истинтаг комитәси јарадыб."
Ҹәнаб Казым Гәрибабади Иран вә Ирагын Бағдад вә Теһранда ики мүштәрәк һүгуги ҝөрүшүн кечирилдијини ачыглајыб вә дејиб: “Февралда Бағдадда кечирилмәси планлашдырылан үчүнҹү иҹласдан сонра иттиһам акты Теһранын әдлијјә системинә ҝөндәриләҹәк."
Гәрибабадинин сөзләринә ҝөрә, бу просесдән сонра 300 сәһифәлик ҹинајәт сәнәдләри, о ҹүмләдән сајы 70-ә јахын олан иш үзрә тәгсирләндирилән шәхсләрин вә шүбһәлиләрин мәлуматы бу јахынларда Ираг тәрәфинә, Ираг тәрәфи исә тәгсирләндирилән шәхсләрлә бағлы Ирана мәлумат вериб вә бу мәлумат мүбадиләси давам едир.
“Биз Ирагдан лазыми һөкмләрин чыхарылмасы үчүн истинтагы вә ҹинајәт тәһгигатынын башланмасыны сүрәтләндирмәји хаһиш етдик” – дејә Гәрибабади билдириб.
Әдлијјә Назиринин мүавини Шәһид Сүлејмани вә Әбу Меһди әл-Мүһәндисин өлдүрүлмәси илә бағлы ишдә реҝионун үч өлкәси вә реҝиондан кәнар үч өлкәнин әли олдуғуну билдириб: “Бунунла бағлы 120-дән чох мүттәһим мүәјјән едилиб, 40-дан чох тәгсирләндирилән шәхс барәсиндә һәбс гәтимкан тәдбири сечилиб, ҹинајәт тәгиби үчүн 9 өлкәјә мәһкәмә тәмсилчилији ҝөндәрилиб.”
Гарибабади бу иши о вахткы президент Доналд Трамп вә АБШ һөкумәт рәсмиләринин үзәринә атыб вә билдириб ки, мүттәһимләрин ҝәтирилмәси үчүн бејнәлхалг ирадә вә Интерпол әмәкдашлығы лазымдыр.
Әдлијјә назиринин бејнәлхалг мәсәләләр үзрә мүавини ишин ләнҝ ҝетдијини етираф едәрәк дејиб: "Бу тәгибин башга тәрәфи вар вә биз Ираг тәрәфдән тәләб олунан сәнәдләрин тамамланмасыны ҝөзләмәли олдуг. Тәбии ки, инди сәнәдләримиз тамамланмаг үзрәдир вә ики ајдан сонра биз арашдырмаја башлајырыг.”
Гәрибабади ишин бејнәлхалг форумларда изләнилмәси илә бағлы дејиб: “Мәһкәмәләрдә вә бејнәлхалг тәшкилатларда иши изләмәк үчүн бүтүн имканларымыздан истифадә етмәјә чалышырыг вә бунунла бағлы Хариҹи Ишләр Назирлији тәрәфиндән тәдбирләр ҝөрүлүб”.
О, бејнәлхалг иҹтимаијјәтин ҹинајәтлә бағлы сусмасыны тәнгид едәрәк дејиб: “Нә гәдәр ки, дүнјада бу икили стандартлар һөкм сүрүр, әдаләтин һәјата кечирилмәси асан олмајаҹаг, лакин бу зиддијјәтләрдән вә икили стандартлардан асылы олмајараг, тәдбир ҝөрмәк вә глобал иҹтимаи рәји ҹәлб етмәк үчүн әлимиздән ҝәләни едәҹәјик.”
Диггәт: Хәбәрдән Истифадә Етдикдә Мәнбәјә Истинад Лазымдыр!
