Иран ширкәтләринин тәҹрүбәсиндән истифадә олунаҹагмы?

АБНА24 Хәбәр Верир, рәгәмсал инкишаф вә нәглијјат назири Рәшад Нәбијев Јени Азәрбајҹан Партијасынын тәшкилатчылығы кечирилән "Гарабағ: Ҹәнуби Гафгаздан дүнјаја ачылан јени мәнзәрә" адлы елми-практики конфрансда дејиб ки, бу јоллар гаршыдакы 20 илдә истифадәјә вериләҹәк вә онлар нәинки инди, һәтта 2041-ҹи илдә ҹәми 61% јүкләнәҹәк.

Онун сөзләринә ҝөрә, һазырда сөзүҝедән истигамәтдә хүсуси консепсија һазырланыр. 101 км узунлугда Зәфәр Јолу артыг истифадәјә верилиб вә үмуми узунлуғу 1 441,7 километр тәшкил едән диҝәр 15 јол лајиһәси дә ардыҹыл олараг тамамланаҹаг.

Гејд едәк ки, Иран Ислам Республикасынын Азәрбајҹан Республикасы илә һәмсәрһәд вилајәтләринин бир груп игтисади фәалы Иран ширкәтләринин ишғалдан азад едилмиш әразиләрин бәрпасы үчүн гоншу өлкәјә лазым олан техники вә мүһәндислик хидмәтләри вә маллары ихраҹ етмәјә һазыр олдугларыны бәјан едибләр.

Азәрбајҹан президенти Илһам Әлијевин сөзләринә ҝөрә, ишғалдан азад едилмиш бир чох рајонлар, о ҹүмләдән Ағдам, Фүзули, Ҹәбрајыл, Зәнҝилан вә Губадлы шәһәрләри тамамилә дағыдылыб; Она ҝөрә дә Азәрбајҹан ширкәтләри илә јанашы, игтисади фәаллар вә дост өлкәләрин ширкәтләри дә бу әразиләрин ҝениш шәкилдә јенидән гурулмасында әмәкдашлыға дәвәт едилир.

Азәрбајҹан Республикасынын хариҹи ишләр назири Ирана сон сәфәри заманы да билдириб ки, Азәрбајҹанын Иранла сәрһәдләри достлуг вә инкишаф сәрһәдидир вә бу сәрһәдләрин дирчәлдилмәси ики өлкә үчүн јени әмәкдашлыг лајиһәләринә зәмин јарада биләр.

Бу чағырышла Иран ширкәтләринә, хүсусән дә Азәрбајҹан Республикасына битишик вилајәтләрдә дил вә мәдәни ортаглыглардан бәһрәләнәрәк, баҹарыглы вә ихтисаслашмыш кадрлар, еләҹә дә техники вә мүһәндислик биликләр вә уғурлу тәҹрүбәләрдән истифадә етмәк һәр ики өлкәнин хејиринә оларды. Зира Иран ширкәтләри зәлзәләдән зәрәр чәкмиш әразиләрин јенидән гурулмасында, тикинти вә јол салма саһәсиндә, телекоммуникасија хәтләринин јарадылмасында, електрик хәттләринин чәкилмәсиндә, о ҹүмләдән кәнд тәсәррүфаты сәнајеси илә бағлы заводларын тикинтиси вә инкишафы саһәләриндә зәнҝин тәҹрүбәјә маликдирләр.

Јери ҝәлмишкән билдирәк ки, Иран ширкәтләринин техники вә мүһәндислик хидмәтләри индијәдәк 40-а јахын өлкәјә, хүсусән дә гоншу өлкәләрә ихраҹ едилиб вә Иран подратчылары сон ијирми илдә Орта Асијада су бәндләринин иншасы, електрик стансијасы, о ҹүмләдән електрик шәбәкәләринин јарадылмасы саһәсиндә бөјүк хидмәтләр ҝөстәрибләр.

Сон статистикаја ҝөрә, Иран һәр ил 1 милјард доллар дәјәриндә техники вә мүһәндислик хидмәтләри ихраҹ едир ки, бунун да енерҝетика назиринин сөзләринә ҝөрә, 57%-и су вә електрик енержиси сәнајесинә аиддир.

342/