АБНА24 Хәбәр Верир, Станислав Тарасов бу барәдә јазыр: Јахын заманларда Түркијә вә Ермәнистан арасында мүнасибәтләрин нормаллашдырылмасы мәсәләләри үзрә хүсуси нүмајәндәләринин ҝөрүшү баш тута биләр. Доғрудур, о, ҝөрүшүн кечириләҹәји јери вә онун деталларыны ачыгламајыб, лакин бу она дәлаләт едир ки, Анкара вә Ирәван арасында артыг гапалы мәсләһәтләшмәләр апарылыр ки, бу да данышыглар просесинә старт вермәк демәкдир.
Политолог гејд едир ки, сон онилликләр әрзиндә Ирәванла Анкара арасында мүнасибәтләрин низамланмасы истигамәтиндә бир нечә белә ҹәһдләр олуб, лакин Түркијә тәрәфи ермәни тәрәфинә "Азәрбајҹанла сүлһә доғру әмәли аддымлар атмағы", о ҹүмләдән нәглијјат-игтисади әлагәләрин бәрпасына һазыр олмағы" шәрт кими ирәли сүрүб.
Анкаранын илкин шәртләр ирәли сүрмәси исә Ирәванын һеч вахт хошуна ҝәлмәјиб. Бунунла әлагәдар олараг бәзи експертләр иддиа едирдиләр ки, әввәлҹә Ермәнистанла Азәрбајҹан арасында мүнасибәтләри низама салмаг мәнтиги дүзҝүн оларды.
Башга вариат да варды: Түркијә илә Ермәнистан арасында нормаллашдырманы Ермәнистанла Азәрбајҹан арасында низамланма илә паралел олараг башламаг.
Бунун да башлыҹа мәнасы бундан ибарәтдир ки, постмүнагишә дөврүндә Азәрбајҹанла Ермәнистан арасында проблемләр һәлл едилмәдән Түркијә илә Ермәнистан арасында мүнасибәтләрин нормаллашдырылмасындан сөһбәт белә ҝедә билмәз. Елә бу ҝүнләр Түркијәнин нүфузлу "Ҹумһуријет" нәшри "Ермәнистанла јахынлашмаг үзрә зәрури аддымларын атылмасына Азәрбајҹанын икинҹи Гарабағ савашында әлдә етдији наилијјәтләр сон сүлһ разылашмасында тәсбит олунмајанадәк тәләсмәмәк" барәсиндә хәбәрдарлыгла чыхыш едиб.
Бу заман Түркијә инандырмаға чалышыр ки, өз һәрәкәтләрини Азәрбајҹанла разылашдыраҹаг, һәрчәнд сөһбәт артыг Түркијәнин Бакыја бирбаша аидијјәти олмајан хариҹи сијасәт истигамәтләриндән ҝедир.
Вә бир дә Вашингтон артыг дөвләт катиби Ентони Блинкенин дили илә өз мәннунлуғуну ифадә едиб вә елан едиб ки, һәм Ермәнистанла Азәрбајҹан, һәм дә Ермәнистанла Түркијә арасында мүнасибәтләрдә ирәлиләјишә јардым едәҹәк. Диҝәр мәркәзләрдә дә -Парисдә вә Москвада да мәмнундурлар.
Түркијә Ермәнистан үчүн "Авропаја пәнҹәрә" ола биләҹәкми? Тезликлә бу суалларын ҹавабы бәлли олаҹагдыр.
342/
24 dekabr 2021 - 09:55
Xəbər kodu: 1211789
Русијалы танынмыш тарихчи вә тәһлилчи билдириб ки, Ермәнистанла Түркијә арасында мүнасибәтләрин нормаллашмасы реаллыға чеврилир.
