Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Иран Ислам Республикасынын Әфганыстанын Мәзари-Шәриф шәһәриндәки сәфирлијинин консуллуғу бу шәһәрдә 350 көчкүн вә еһтијаҹы олан аиләјә јардым едиб.
Бу барәдә ИИР-ын Әфганыстанын Мәзари-Шәриф шәһәриндәки сәфирлијинин баш консулу “Сејид Һәсән Јәһјави” АВА Хәбәр Аҝентлијинә дејиб. О билдириб ки, Әфганыстан халгына һуманитар јардым вә әмәкдашлығы давам етдирәрәк, јанаҹаг, исти јорған вә хаммала еһтијаҹы олан 350 аиләни көмәклик едиб.
“Мәгсәдимиз әфган гардашларымызын әзијјәтини азалтмаг вә Әфганыстанын мәзлум халгынын јараларыны сағалтмаг үчүн бу јардымы пајламагдыр” – дејә Сејид Һәсән Јәһјави билдириб.
Иранын Әфганыстанын Мәзари-Шәриф шәһәриндәки сәфирлијинин баш консулу әлавә едиб: “Бу ҹүр һәрәкәтләр һәлә дә Бәлх вилајәтиндә Имам Хомејни Имдад Комитәси тәрәфиндән һәјата кечирилир вә ҝәләҹәкдә даһа чох јардым вә әмәкдашлыг ҝүндәлијимиздәдир.”
О, Әфганыстан һөкумәтинин рәсмиләринин јохсуллуғун вә ишсизлијин азалдылмасы үчүн фундаментал аддымлар атаҹағына, өзәл вә дөвләт гурумларынын јохсуллара вә мәҹбури көчкүнләрә һәр һансы јардымы әсирҝәмәјәҹәјинә үмид етдијини билдириб.
Јәһјави Иран Ислам Республикасы халгынын Әфганыстанын мәзлум халгы илә бәрабәр әмәкдашлыг вә мүгавимәтинә тохунараг дејиб: Әфганистанын әзијјәт чәкән халгы илә јардым вә әмәкдашлығымыз давам едәҹәк.
Хатырладаг ки, Иран Ислам Республикасынын Имам Хомејни (ризвануллаһи тәала әлејһ) адына Имдад Комитәси ән ағыр ҝүнләрдә Азәрбајҹана давамлы шәкилдә јеҝанә јардым едән Комитә олуб. Имам Хомејни (р) Имдад Комитәсинин Азәрбајҹан нүмајәндәлији 1993-ҹү илдә Бакыда вә диҝәр рајонларда тәсис олунуб. 2014-ҹү ил 28 Јанвар тарихиндә Азәрбајҹан тәрәфининин тәләби илә 20 иллик актив фәалијјәтинә хитам вериб.
Тәшкилат 20 иллик фәалијјәти дөврүндә Азәрбајҹанда һәјата кечирилән лајиһәләрә 43 милјон АБШ доллары һәҹминдә вәсаит сәрф едиб.
Диггәт: Хәбәрдән Истифадә Етдикдә Мәнбәјә Истинад Лазымдыр!
