АБНА24 : Александр Грушко Ағ Ев илә НАТО-ја хәбәрдарлыг едибдир ки, әҝәр Москванын тәһлүкәсизлик тәклифләрилә разылашмазларса, Русија ҹаваб тәдбирләри ҝөрәҹәк.
Грушко вурғулајыб ки, Русијанын тәһлүкәсизлик тәклифләри Русија-Америка мүнасибәтләриндәки һазыркы тәһлүкәли вәзијјәтдән ҝери чәкилмәк вә мәшвәрәт сәмтинә доғру һәрәкәт мәгсәдилә ирәли сүрүлүр.
Бундан өнҹә Кремлин сөзчүсү Дмитри Песков да вурғуламышды ки, Авропа Иттифагынын јеритдији санксија сијасәти ганунсуздур вә Русија бу санксијалара ҹаваб вермәк үчүн тәдбирләр ҝөрмәји давам етдирәҹәк.
Авропа Иттифагынын хариҹи ишләр вә тәһлүкәсизлик сијасәти үзрә али нүмајәндәси Ҹозеп Боррел дә өтән һәфтә билдирмишди ки, Русијанын Украјнаја һүҹум едәҹәји тәгдирдә, бу бирлик Русијаја гаршы јени игтисади санксијалар серијасынын тәтбиг едилмәси барәдә Америка вә Инҝилтәрә илә мүзакирәләр апараҹаг.
НАТО өлкәләри Украјнаја сијаси вә силаһ дәстәкләри вермәклә бөлҝәдә ҝәрҝинлик јаратмаг сијасәти јеридирләр. Онларын иддиасы һәлә бу бирлијә үзв олмајан бир өлкәни һимајә етмәјә әсасланыр.
Украјна һал-һазырда Русија илә Гәрб арасында әсас дөнүш нөгтәсидир. Америка иддиа едир ки, Русија Украјна сәрһәдләриндә јүз миндән чох әсҝәр јерләшдириб вә бөјүк еһтимала гаршы бу өлкәјә һүҹум етмәјә һазырлашыр.
Москва Гәрб илә НАТО-нун иддиаларынын әксинә олараг, дәфәләрлә билдирибдир ки, Кијевә һүҹум нијјәтиндә дејилдир.
Әлбәттә, бу чәкишмәләр АБШ-ын дөвләт катиби- Ентони Блинкенин кечән ај «Русија Украјна сәрһәди јахынлығындакы гүввәләрини артырыб вә һүҹум нијјәтиндәдир» ифадәсиндән сонра шиддәтләнибдир.
342/
19 dekabr 2021 - 13:04
Xəbər kodu: 1210114
Русија вә Гәрбин Украјна үстүндәки чәкишмәләрилә бир заманда, Русија хариҹи ишләр назиринин мүавини Москванын тәклифләринин НАТО вә АБШ тәрәфиндән гәбул едилмәјәҹәји тәгдирдә, гаршылыглы аддымларын атылаҹағындан хәбәр вериб.
