АБШ Дөвләт Департаментинин терроризмә гаршы мүбаризәјә даир иллик милли һесабатларында артыг икинҹи дәфәдир ки, һакимијјәтин сијаси оппонентләри вә дини фәаллары террорчулар кими тәгдим етмәк вә јахуд онларын һәрәкәтләрини "терроризм" вә ја "екстремизм" кими төвсиф етмәк ҹәһдләриндән данышылыр,
АБНА24 Хәбәр Верир, Ҹүмә ахшамы дәрҹ олунан 2020-ҹи ил үчүн терроризмә гаршы мүбаризә һаггында һесабатда Азәрбајҹан Республикасынын терроризм илә мүбаризә фәалијјәтләринә тохунулса да билдирилир ки, һүгуг-мүһафизә органлары бу вә ја диҝәр һәрәкәтләри өзбашына "терроризм" вә ја "екстремизм" кими төвсиф едирләр ки, бу да сијаси оппонентләри вә дини фәаллары мәһкәмә тәгиби, һәбс вә амансыз рәфтарын објектләрин чевирир".
Мүәллифләр инсан һүгугларына әмәл олунмасы вә дини азадлыг һагда Дөвләт Департаментинин һесабатларына стинад едәрәк Азәрбајҹан Республикасы игтидарынын терроризм илә мүбаризә ады алтында суи-истифадә фактларыны хатырладырлар вә әлавә олараг гејд едирләр ки"Белә адамлар Дахили Ишләр Назирлијинин мүтәшәккил ҹинајәткарлыгла мүбаризә бөлмәси тәрәфиндән физики зоракылыға хүсусилә һәссасдырлар".
Буна мисал олараг, мүхалифәтјөнлү Халг Ҹәбһәси Партијасынын үзвү, терроризмин малијјәләшдирилмәси иттиһамы илә 13 ил һәбс ҹәзасына мәһкум олунмуш Нијамәддин Әһмәдовун иши јада салыныр.
Әһмәдов 2020-ҹи илдә сахланылыб вә илкин олараг коронавирусун јајылмасынын гаршысынын алынмасы үчүн тәтбиг едилән карантин гајдаларыны позмагда иттиһам олунуб. Даһа сонра ону терроризмин малијјәләшдирилмәсиндә иттиһам едибләр. Һүгуг- мүдафиә тәшкилатлары ону сијаси мәһбус кими таныјыблар вә иттиһамлары "абсурд" адландырырлар.
342/
18 dekabr 2021 - 14:57
Xəbər kodu: 1209766
АБШ дөвләт Департаменти билдирир ки, Азәрбајҹан Республикасы игтидары мүхалифләрини ҹәзаландырмаг үчүн онлара гаршы терроризмлә бағлы иттиһам ирәли сүрүр.
