АБНА24 Хәбәр Верир, Сәид Хәтибзадә "Пресс ТВ"јә вердији мүсаһибәдә билдириб ки, Ислами илә Гросси арасында давам едән мүзакирәләр ирәлиләјишләрә сәбәб олуб вә гаршылыглы мараг доғуран бир сыра мәсәләләрлә бағлы бошлуглар даралыб.
"Пресс ТВ"нин мәлуматына ҝөрә, Хәтибзадә дејиб: "Мән тәфәррүатлара кечмәк истәмирәм, лакин һәр ики тәрәфин тезликлә разылыға ҝәләҹәјини прогноз едә биләрәм".
Атом Енержиси үзрә Бејнәлхалг Аҝентлик илә Иран арасындакы мүбаһисәли мөвзулардан бири бу тәшкилатын Кәрәҹин "ТЕСА" комплексиндәки мүшаһидә камераларынын дәјишдирилмәси мәсәләсидир; Һансы ки, террорчуларын Иранын нүвә објектләриндә тәхрибат әмәлијјатлары нәтиҹәсиндә зәдәләниб. Һәр ики тәрәф сентјабрын 12-дә бирҝә бәјанат јајараг, камераларын тәмири вә "мүәјјән едилмиш аваданлыгларын" јаддаш картларынын дәјишдирилмәси илә бағлы разылыға ҝәлдикләрини билдирдиләр.
Амма АЕБА разылашмадан кәнар, мүшаһидә камераларынын јенидән гурашдырылмасыны тәләб етди ки, Иран Ислам Республикасы буна гаршы чыхды вә АЕБА сентјабрын 26-да бир һесабатда, Иранын бу тәшкилатын експертләриндән белә бир иҹазәни ҝери алдығыны иддиа етди.
Иранын Вјанада јерләшән бејнәлхалг тәшкилатлардакы кечмиш сәфири Казим Гәрибабади һәмин заман гејд етди ки, Кәрәҹдәки ТЕСА Комплекси илә бағлы тәһлүкәсизлик вә мәһкәмә арашдырмалары давам етдији үчүн бу комплексин мониторинг аваданлығы техники хидмәт алтында олан тәҹһизатлар сырасында гәрарлашмајаҹаг, буна ҝөрә дә бирҝә бәјанатда "мүәјјән едилмиш аваданлыг" ифадәсиндән истифадә едилмишдир.
342/
16 dekabr 2021 - 15:09
Xəbər kodu: 1209303
Иран Хариҹи Ишләр Назирлијинин мәтбуат катиби Иранын Атом Енержиси Тәшкилатынын рәһбәри Мәһәммәд Ислами илә Атом Енержиси үзрә Бајнәлхалг Аҝентлијин баш директору Рафаел Гросси арасындакы данышыгларда ирәлиләјишәләрин әлдә едилмәсиндән хәбәр вериб.
