АБНА24 Хәбәр Верир, Дахили Ишләр Назирлијинин информасија порталынын мәлуматына ҝөрә, Әһмәд Вәһиди гоншу өлкәләрдәки сәфирләрин, еләҹә дә сәрһәдјаны вилајәтләрин валиләри илә кечирилән бирҝә ҝөрүшдә дејиб: "Иран Ислам Республикасынын хариҹи сијасәтинин әсас приоритети әввәлҹә гоншу өлкәләр, сонра исә Ислам өлкәләри вә даһа сонра диҝәр бөлҝәләрдәки дост өлкәләрлә мүнасибәтләрин гурулмасыдыр".
Вәһиди дејиб: "Гоншуларла мүнасибәтләрин биринҹи стратеҝијасында, Дахили Ишләр Назирлији сәрһәдјаны базарлар әсас ҝөтүрүләрәк, сәрһәд игтисадијјаты ҝүҹләндирмәјә чалышыр вә бу истигамәтдә сәрһәдјаны әразиләрин давамлы инкишафына наил олмаг үчүн валиләрә там сәлаһијјәт верилиб".
Дахили ишләр назири, һәмчинин валиләри вә сәфирләри сәрһәдјаны вилајәтләр, еләҹәдә онларын миссијаларына битишик олан вилајәтләрлә игтисади әмәкдашлығы вә мал вә хидмәтләрин транзитини ҝүҹләндирмәк үчүн тез бир заманда бирҝә план һазырламаға чағырыб.
Вәһиди әлавә едиб: "Реҝионда стратежи әлагәләр, игтисади вә мәдәни әлагәләр, һәмчинин әтраф мүһит, транзит вә тәһлүкәсизлик саһәсиндә әмәкдашлыг васитәсилә әлдә едилир".
342/
14 dekabr 2021 - 19:09
Xəbər kodu: 1208664
Иранын дахили ишләр назири өлкәсинин гоншу өлкәләрдәки сәфирләрини, еләҹә дә сәрһәдјаны вилајәтләрин валиләрини гоншу өлкәләрлә әмәкдашлыглары максимум ҝенишләндирмәк үчүн бу өлкәләрлә даһа чох гаршылыглы әлагәјә чағырыб.
