АБНА24 Хәбәр Верир, Ермәнистанын Хариҹи Ишләр Назирлијинин сөзчүсү Ваһан Унанјан дејиб ки, Ермәнистан һәмишәки кими Түркијә илә мүнасибәтләрин нормаллашмасы просесинә илкин шәртләр олмадан башламаға һазырдыр. “Һөкумәтин програмында да бу барәдә мәсәлә өз әксини тапыб. Түркијә ХИН башчысынын мүнасибәтләрин нормаллашмасы үзрә хүсуси нүмајәндә тәјин етмәсини хош гаршылајырыг.
Гејд едәк ки, Мөвлуд Чавушоғлунун рәсми Анкара вә Ирәван арасындакы мүнасибәтләрин нормаллашдырылаҹағы илә бағлы ачыгламасына мүнасибәт билдирмишди.
Түркијә вә Ермәнистан мүнасибәтләри нормаллашдырмаг үчүн хүсуси нүмајәндә тәјин едәҹәкләр
Түркијәнин Хариҹи ишләр назири Мөвлуд Чавушоғлу Түркијә Бөјүк Милләт Мәҹлисиндә Хариҹи Ишләр Назирлијинин бүдҹәси илә бағлы тәшкил едилмиш иҹласда чыхышы заманы, Ермәнистанла мүнасибәтләрин нормаллашдырылмасы истигамәтиндә тезликлә хүсуси нүмајәндәнин тәјин едиләҹәјини билдириб.
О һәмчинин әлавә едиб ки, тезликлә Түркијәдән Јеревана һава рејси нәзәрдә тутулаҹаг.
Түркијә ХИН рәһбәринин бу ачыгламасындан сонра Ермәнистан тәрәфи дә мөвге билдириб. Ермәнистанын Хариҹи Ишләр Назирлијинин сөзчүсү билдириб ки, Ермәнистан Түркијә илә данышыглара башламаг үчүн хүсуси нүмајәндә тәјин едәҹәк.
Бир мүддәт әввәл Ермәнистан һөкумәти Русијанын бу мәсәләдә васитәчилик етмәсини хаһиш етмишди.
Рәсми Бакынын бу мәсәләјә мөвгеји һәлә ки, ајдын дејил. Чүнки Ермәнистан тәрәфинин Азәрбајҹан Республикасынын әрази бүтөвлүјүнү танымадан вә онунла сүлһ сазиши имзаламадан Түркијә илә дил тапмасы, ардынҹа исә дипломатик әлагәләрин гурулмасы Азәрбајҹанын марагларыны тәһлүкә алтына ата биләр. Она ҝөрә дә политологлар дејирләр ки, Түркијә Ермәнистанла мүнасибәтләри нормаллашдырмаг үчүн атаҹағы аддымлары мүтләг Азәрбајҹанла разылашдырмалыдыр.
342/
14 dekabr 2021 - 19:07
Xəbər kodu: 1208662
Ермәнистанын Харихи Ишләр Назирлији Түркијә илә мүнасибәтләрә башламаға тәрәфдар олдуғуну билдириб.
