АБНА24 Хәбәр Верир, Авропа Бирлијинин хариҹи ишләр вә тәһлүкәсизлик сијасәти үзрә али нүмајәндәси вә Вјана мүзакирәләринин координатору Ҹозеп Боррел Иранын хариҹи ишләр назири Һүсејн Әмир-Абдуллаһијанла телефон әлагәсиндә мүзакирәләр просеси барәдә изаһат тәгдим етмәклә Вјана мүзакирәләринин давам етмәсиндән разылыг ифадә вә мүзакирә тәрәфләринин бахышлары һагда өз дәјәрләндирмәсини тәгдим едиб.
Боррел һәмчинин мүзакирәләрә зәрбә вура биләҹәк проблемләри бәјан етмәклә үмидварлыг едибдир ки, бүтүн тәрәфләрин сәјләри вә анлашмалары илә Вјана мүзакирәләри бир разылашмаја наилолма сәмтинә доғру ирәлиләјәҹәк.
Авропа Бирлијинин хариҹи ишләр вә тәһлүкәсизлик сијасәти үзрә али нүмајәндәси вурғулајыб ки, Америкаја вә үч Авропа өлкәсинә, мүзакирәләрин ҝерчәклијә әсасланмалы олдуғуну вә ондакы тәрәфләрин ирәлиләјиш һисси кечирмәли олдугларыны хатырладыбдыр.
Боррел Иранын Атом Енержиси Тәшкилаты илә Атом Енержиси үзрә Бејнәлхалг Аҝентлијин һәмкарлығыны мүһүм адландырыб, мөвҹуд тәмаслардан, техники диалог вә әмәкдашлыгларын давам етмәсиндән разылыг едиб.
Иранын хариҹи ишләр назири дә бу телефон данышығында Вјанадакы мүзакирә тәрәфләри арасында әлдә олунмуш анлашманы фајдалы адландырыб, бир даһа, јахшы бир разылашмаја чатмаг саһәсиндә Иран Ислам Республикасынын хошмәрамлылығы вә ҹиддилијинә тәкид едиб.
Иранын хариҹи ишләр назири сонра үч Авропа өлкәсинин мөвгеләри вә бәјанатларыны, негатив сијаси вә медиа мөвгетутма јолу илә етдикләри рәфтары тәнгид едиб.
Әмир-Абдуллаһијан бу кими медиа кампанијаларыны гејри-конструктив адландырмагла ону разылашма просесини ләнҝидән вә вәзијјәти даһа да мүрәккәбләшдирән бир амил адландырыб.
Мөвҹуд мәшвәрәтләрә тохунан Әмир-Абдуллаһијан Русија илә Чинин мөвге вә нәзәрләрини реалҹасына вә конструктив адландырыб.
Иранын хариҹи ишләр назири вурғулајыб ки, Иранын нүвә програмы тамамилә динҹ мәгсәдлидир, амма нүвә ниҝаранчылығынын арадан галдырылмасы санксијаларын там шәкилдә арадан ҝөтүрүлмәсилә бирбаша әлагәјә маликдир.
Тәрәддүд едирик ки, ҝөрән, гәрбли тәрәф үмумијјәтлә санксијаларын ҝөтүрүлмәсинә һазырдыр, јохса сырф олараг, өз ниҝаранчылыгларынын биртәрәфли сурәтдә арадан галдырылмасынын ардынҹадыр?-дејә, Әмир-Абдуллаһијан суал едиб.
Әмир-Абдуллаһијан һәмчинин мүзакирәләрин координатору кими Ҹозеп Боррелин вә онун мүавини Енрике Моранын ролларыны конструктив дәјәрләндириб вә онларын сәјләринә ҝөрә миннәтдарлыг едиб. Гејд едиб ки, Иранын баш мүзакирәчиси Әли Багири вә ону мүшајиәт едән һејәт дөрд үстәҝәл бир групу илә мәшвәрәт вә разылашмаја чатмаг үчүн лазым олаҹаг һәр заманадәк Вјанада галаҹаглар.
342/
10 dekabr 2021 - 09:57
Xəbər kodu: 1207068
Авропа Бирлијинин хариҹи ишләр вә тәһлүкәсизлик сијасәти үзрә али нүмајәндәси дејир ки, Иранын хариҹи ишләр назирилә телефон әлагәсиндә Вјана мүзакирәләриндә даһа сүрәтли һәрәкәтин ваҹиблијинә тәкид едиб.
