АБНА24 Хәбәр Верир, Иран Ислам Республикасынын Бакыдакы кечмиш сәфири Теһранын “сәрһәдләрин дәјишдирилмәмәси” сијасәтиндә һеч бир дәјишиклик олмадғыны вурғулајыб.
Сијаси вә Бејнәлхалг Арашдырмалар Мәркәзинин Гафгаз мәсәләләри үзрә експерти, Иранын Түркијә, Азәрбајҹан, Кипр вә Газахыстандакы кечмиш сәфири Әлирза Биҝдели “Тәсним” Хәбәр Аҝентлијинә ексклүзив мүсаһибәсиндә билдириб ки, Бакынын Зәнҝәзур дәһизинин јарадылмасы сијасәтиндә исрарлы галмасы бөлҝәдә јени мүнагишәнин јаранмасына ҝәтириб чыхара биләр.
Иран Ислам Республикасынын “сәрһәдләрин дәјишдирилмәмәси” сијасәтиндә һеч вахт тәрәддүд етмәдијини вурғулајан дипломат гејд едиб ки, президент Сејид Ибраһим Рәисинин вә хариҹи ишләр назиринин вурғуладыглары кими, реҝионун ҝеосијасәтинин дәјишмәси јолверилмәздир. Игтисади Әмәкдашлыг Тәшкилаты ЕКО-нун Ашгабад саммитиндә Иран президенти бу дөвләтин мөвгејини бир даһа бәјан етди. Әрази бүтөвлүјү вә сәрһәдләрин тохунулмазлығы вә реҝионун ҝеосијасәтинин дәјишмәзлији Иранын гоншулуг сијасәтинин ән мүһүм елементидир. Өтән отуз ил әрзиндә Иран Азәрбајҹан Республикасынын әрази бүтөвлүјүнү вә онун сәрһәдләринин горунмасыны неҹә дәстәкләмишдисә, һәмин принсипләр вә мәнтиг диҝәр гоншулара да аиддир. Иранын бүтүн гоншулары истиснасыз олараг бу принсиплә Ирана ҝүвәнә вә архалана биләрләр. Иран бу принсипин тәтбиг олунмасында һәмишә мәсулијјәтли давраныб вә һеч вахт тәрәддүд етмәјиб. Она ҝөрә дә сәрһәдләрин дәјишдирилмәси планы ишә салынарса, Иран бу мәсәләдә гәтијјән мүшаһидәчи олмајаҹаг.
Әлирза Биҝдели сөһбәтинин давамында Азәрбајҹан Республикасынын адәтән Ермәнистан сәрһәдини позмадығыны хатырладараг, онун Сүник бөлҝәсинә һүҹума һазырлашдығына даир мәлуматлара инанмадығыны диггәтә чатдырыб. “Нә гәдәр ки, Бакы өлкәнин әсас әразиси илә Нахчыван арасында манеәсиз чыхыш истәјир, биз буну дәстәкләјәҹәјик. Сон 30 илдә биз Нахчыванла Азәрбајҹан Республикасынын әсас һиссәси арасында әлагәнин кәсилмәсинә имкан вермәдик, Азәрбајҹан Республикасынын вәтәндашларына, автомобилләринә, тәјјарәләринә өз әразимиздән кечмәјә имкан вердик. Амма әҝәр “Зәнҝәзур дәһлизи”нин конкрет тәрифи нәзәрә алынарса вә бу ҝүн Иранда бәзиләринин јаздығы кими, Сүник вилајәтинин бир һиссәси хүсуси һүгуги режим шәклиндә Ермәнистан һөкумәтинин нәзарәтиндән ајрылаҹагса, о заман вәзијјәт фәргли олаҹаг. Белә бир һәрәкәтин илк нәтиҹәси реҝионда даһа отуз ил мүһарибәнин баш вермәси вә ганлы мүнагишәнин формалашмасыдыр ки, һамыја башағрысы ҝәтирә биләр”-, дејә Биҝдели сөјләјиб.
Кечмиш сәфир гејд едиб: “Ермәнистан Республикасы Азәрбајҹан Республикасынын әсас һиссәси илә Нахчыван Мухтар Республикасы арасында нәглијјат әлагәсинә, о ҹүмләдән вәтәндашларын, нәглијјат васитәләринин вә јүкләрин манеәсиз һәрәкәтинә зәманәт верир. Бу ҹүр шәраитләрин јарадылмасы икитәрәфли мүнасибәтләрдә ади һалдыр вә онлар адәтән бу ҹүр өһдәликләри икитәрәфли нәглијјат вә транзит мүгавиләләри шәклиндә гәбул едирләр. Јол манеәләринин арадан галдырылмасы бизим дә истәдијимиз мәсәләдир. 1990-ҹы илдә башлајан Дағлыг Гарабағ мүһарибәси бизим дәмирјолумузун кечмиш совет дәмир јолу шәбәкәсинә чыхышыны кәсди, игтисадијјатымыза вә мүнасибәтләримизә ҹидди зијан вурду. Биз чалышмалыјыг ки, бу манеәләри тез бир заманда арадан галдыраг вә дәмир јолларымызын Ҹулфа Дәмир Көрпүсү вә Нахчыван Дәмир Јолу васитәсилә бүтүн Гафгаза вә ондан кәнара чыхышы тәмин олунсун.”
342/
5 dekabr 2021 - 16:37
Xəbər kodu: 1205522
Иран Ислам Республикасынын Бакыдакы кечмиш сәфири Теһранын “сәрһәдләрин дәјишдирилмәмәси” сијасәтиндә һеч бир дәјишиклик олмадғыны вурғулајыб.
