Иранын дәниз стратеҝијасы "заманы мәһдудлашдырмаг" вә "мәканы ҝенишләндирмәк"дир

АБНА24 Хәбәр Верир,контр-адмирал Шәһрам Ирани базар ҝүнү "Иран Һәрби Дәниз Гүввәләри Ҝүнү" мүнасибәтилә "Сәһәр Күрди" каналы илә мүсаһибәдә, Иранын артан чәкиндириҹи вә мүдафиә габилијјәтини вурғулајараг, дејиб: "Иран Ислам Республикасынын Һәрби Дәниз Гүввәләри тәһдидләрә "заманы мәһдудлашдырмаг" вә "мәканы ҝенишләндирмәк" әсасында ҹаваб верир".

Иран Ордусунун Һәрби Дәниз Гүввәләри команданы бу стратеҝијаны шәрһ едәркән вурғулајыб ки, Иран ән гыса заманда вә ән ҝениш дәниз саһәсиндә дүшмәнлә гаршылашмаға, вәзијјәти нәзарәтә ҝөтүрмәјә вә вәзијјәти сакитләшдирмәјә гадирдир.

Контр-адмирал Ирани гејд едиб ки, Иран һәр ҹүр суалты гајыг, ҝәми вә дәниз техникасы истеһсал етмәк баҹарығы, һәмчинин учуш бөлмәләринин фәал иштиракы илә нәзәрдә тутдуғу дәниз тәһлүкәсизлијини тәмин едиб вә өз танкер вә ҝәмиләрини дәниздә гүдрәтлә мүшајиәт едир.

Иран Ордусунун Һәрби Дәниз Гүввәләри команданы Иранын дәниз тәһлүкәсизлијинин тәмин едилмәси вә горунмасындакы ролуна тохунараг, вурғулајыб ки, Иранын дәниздәки ҝүҹлү варлығы дәниз һөвзәсинин диҝәр өлкәләрин тәһлүкәсизлик факторуну да артырыб.

Контр-адмирал Ирани Иранын һазырда ән чох тиҹарәт мүбадиләләри һәҹминә малик олан вә ән издиһамлы океан олараг, Һинд океанына там нәзарәт етдијини бәјан едәрәк, дејиб: "Иранын дөјүш ескадрасы Әдән көрфәзиндә јерләшиб вә ҝәмиләрин дәниз гулдурлары гаршысында тәһлүкәсизлијини тәмин едир".

Иран Һәрби Дәниз Гүввәләринин команданы әлавә едиб: "Дәниз гулдурлары габагҹыл силаһларла тәҹһиз олундуғу үчүн дәниз террорчуларына чеврилибләр вә Иранын бу ҹүр тәһдидләр гаршысында дајанмасы ҝәмиләрин вә тиҹарәт донанмаларынын тәһлүкәсизлијини тәмин етмәклә јанашы, тиҹарәти дә ҝүҹләндириб".

Контр-адмирал Ирани даһа сонра Иранын дәнизләрдәки ҝеополитик мөвгејинә дә тохунуб вә билдириб ки, Иран Ислам Республикасы чох әһәмијјәтли бир бөлҝәдә вә дәниз игтисадијјатынын мәркәзиндә јерләшир.

Иран Һәрби Дәниз Гүввәләринин команданы билдириб ки, бу дәјәрли бөлҝәјә Һөрмүз боғазынын үч әсас нөгтәси, Әдән көрфәзи вә Гырмызы дәнизин гапысы һесаб едилән Бабүл-Мәндәб боғазы вә Ҹәнуб-Шәрги Асија өлкәләри арасында бирләшдириҹи кечид олан Малакка боғазы дахилдир. Һансы ки,Иран орада даими вә еффектив варлыға саһибдир".

Контр-адмирал Шәһрам Ирани вурғулајыб ки, дүнјанын технолоҝија, елм вә мүһәндислик саһәсиндә ән мүрәккәб аваданлыглары суалты гајыгларын иншасына аиддир; Һансы ки, ән јүксәк техники билијә маликдир, ондан сонра исә дестројер, ракет системләри вә тәјјарәләрин иншасына аиддир ки, Иранда бу габилијјәтләр мөвҹуддур вә университетләр вә елм әсаслы ширкәтләр тәрәфиндән идарә олунур.