АБНА24 Хәбәр Верир, Иран Ислам Республикасы Хариҹи Ишләр Назирлијинин рәсми нүмајәндәси Сәид Хәтибзадә дүнән ҝеҹә, Русијада баш вермиш мәдән партлајышы һадисәсиндән дәрин тәәссүф ифадә едиб вә бу кәдәрли һадисә гурбанларынын аиләләринин дәрдинә шәрик чыхыб.
Дүнән сәһәр саатларында Русијанын Кемерово вилајәтинин Кузбасс рајонунун јахынлығында јерләшән «Листвјажнаја» мәдәниндә баш верән партлајыш вә јанғын һадисәсиндә индијәдәк 52 нәфәрдән чох инсан һәлак олуб.
Кемеровонун иҹра башчысы Серҝеј Тсивилјов билдириб ки, һадисә заманы мәдәндә үмумиликдә 285 нәфәр олуб.
Һадисәдә онларла нәфәр дә јараланыбдыр.
Русија һөкумәти бу һадисә барәдә тәһгигата башлајыб.
Русија президенти Владимир Путин дүнән һадисә гурбанларынын аиләләринә башсағлығы вериб. Путин бу өлкә һөкумәтинә јаралылара лазыми јардым ҝөстәрмәк барәдә ҝөстәриш вериб.
342/
27 noyabr 2021 - 07:40
Xəbər kodu: 1202578
Иран Русијада мәдән партлајышы гурбанларынын аиләләринин кәдәрилә бөлүшүб.
