АБНА24 Хәбәр Верир, Иран Хариҹи Ишләр Назирлијинин сөзчүсү Сәид Хәтибзадә базар ертәси ҝүнү һәфтәлик брифингиндә хүсусилә сојуг мөвсүмүн ҝәлмәси илә бағлы әфган гачгынларын вәзијјәти илә бағлы суалын ҹавабында дејиб: "Иранын бүтүн аидијјәти гурумлары хүсусилә чәтин анларда әфган халгынын јанында галаҹаглар".
Иранын дипломатија апаратынын сөзчүсү әлавә едиб: "Иран Ислам Республикасы Әфганыстанын мүхтәлиф шәһәрләринә, хүсусилә сојуг мөвсүм әрәфәсиндә вә кифајәт гәдәр јанаҹағын олмадығы бир һалда мүхтәлиф һуманитар јардымлар ҝөндәриб".
Хәтибзадә вурғулајыб: "Иран 40 илдән чох бир мүддәтдә 4 милјондан чох Әфганыстан вәтәндашыны гәбул едиб, амма бу вәзијјәт, хүсусилә дә бејнәлхалг тәшкилатларын һеч бир мәсулијјәт үзәринә ҝөтүрмәдији үчүн давам едә билмәз".
Хариҹи Ишләр Назирлијинин мәтбуат катиби МАГАТЕ-нин баш директору Рафаел Гроссинин бу ҝүн ахшам Теһрана сәфәри илә бағлы дејиб: "Биз Атом Енержиси үзрә Бејнәлхалг Аҝентлик АЕБА-ја һәмишә техники әмәкдашлыг јолунда галмағы вә бәзи өлкәләрин өз сијаси ориентасија вә сијаси нијјәтләрини бу бејнәлхалг гурума диктә етмәсинә имкан вермәмәји төвсијә етмишик".
Хәтибзадә Суријанын Әрәб Лигасына гајытмасы вә Иранын бунунла бағлы мөвгеји һаггында дејиб: "Сурија әрәб дүнјасынын ән мүһүм вә силинмәз акторларындан биридир вә мүхтәлиф өлкәләр бу гәнаәтә ҝәлибләр ки, нә Суријаны силмәк мүмкүндүр, нә дә ки, Суријанын тәсирли бир актјор кими силинмәси әрәб дүнјасынын хејринәдир".
Азәрбајҹан Республикасы баш назиринин мүавини Шаһин Мустафајевин Теһрана сәфәринә ҝәлинҹә исә Хәтибзадә дејиб ки, ики өлкә арасындакы мүнасибәтләрлә бағлы хош хәбәрләр вар вә бу јахынларда ики өлкә арасында мүхтәлиф сәвијјәләрдә сәфәрләр баш тутаҹаг.
Иранын дипломатија апаратынын сөзчүсү АБШ рәсмисинин Иранын Әһатәли Мүштәрәк Тәшәббүс Програмынын ҝери дөнмәз нөгтәјә чатмасы илә бағлы бәјанатына реаксијада дејиб: "Рәвајәтләрин бу ҹүр тәһриф едилмәси АБШ-а көмәк етмәјәҹәк вә һазыркы вәзијјәтин ҝүнаһкары АБШ-дыр вә әјани зәманәтлә санксијалары ләғв етмәлидир".
342/
23 noyabr 2021 - 04:40
Xəbər kodu: 1201307
Иран Хариҹи Ишләр Назирлијинин сөзчүсү гыш мөвсүмү әрәфәсиндә әфган гачгынларын вәзијјәтиндән нараһат олдуғуну билдириб.
