АБНА24 Хәбәр Верир, ҝөрүшдә иранлы назир Рүстәм Гасими ики өлкәни дост вә гардаш өлкә адландырыб вә дејиб:"Бу мүзакирәләр әлагәләримизи даһа да инкишаф етдирәҹәк вә ики өлкә арасындакы манеәләрин арадан галхмасына зәмин јарадаҹаг.”
Астара-Астара сәрһәдиндә автомобил көрпүсүнүн тикинтиси, еләҹә дә Рәшт- Астара дәмир јолунун тамамланмасынын һәр ики өлкә үчүн өнәмли лајиһәләр олдуғуну дејән иранлы назир билдириб ки, ҝөрүшләрдә һәр ики лајиһә һаггында мүзакирә апарылаҹаг вә мүсбәт нәтиҹә әлдә едиләҹәкдир.
Азәрбајҹанлы инвесторларын Астара терминалында инвестисија јатырдығыны дејән Р.Гасими гејд едиб ки, ики тәрәф Астарада (Иран) да бир ҝөрүш кечирмәк вә бунунла бағлы данышыглар апармаг барәдә разылыға ҝәлиб: “Азәрбајҹан Республикасы илә Иран Ислам Республикасы арасында игтисади, тиҹарәт вә һуманитар саһәләрдә әмәкдашлыг үзрә Дөвләт Комиссијасынын иҹласындан өнҹә бир дәфә дә Астарада (Азәрбајҹан) ҝөрүш кечириләҹәк. Бу ҝөрүшләрдә Нахчыван-Мәшһәд сәрнишин гатары, еләҹә дә нәглијјат вә транзит мәсәләләри һаггында данышылаҹаг”.
Иранын Азәрбајҹанла јүк дашымаларыны артырмаг нијјәтиндә олдуғуну нәзәрә чатдыран Р. Гасими јахын ајларда ики өлкә арасында Фарс Көрфәзи - Гара дәниз дәһлизи һаггында сазишин имзаланаҹағындан хәбәр вериб, Азәрбајҹанда автомобил истеһсалы кими мәсәләләрин дә мүзакирә олунаҹағыны диггәтә чатдырыб: “Иран автомобил истеһсалынын 30 фаизини Азәрбајҹанда һәјата кечирмәјә һазырдыр. Мүштәрәк истеһсал илә Иран өз мәһсулуну Азәрбајҹандан диҝәр өлкәләрә ихраҹ едә биләр”,- дејә Рүстәм Гасими дејиб.
Иранын јол вә шәһәрсалма назири Иранын Азәрбајҹан Республикасында јүк машынлары вә автобус истеһсалына еләҹә дә бу өлкәнин абадлыг лајиһәләриндә иштирак етмәјә һазыр олдуғуну вурғулајыб.
Ҝөрүшдә Азәрбајҹан Республикасы баш назиринин мүавини Шаһин Мустафајев дә ики өлкә арасында әмәкдашлыг үчүн ҝениш потенсиалын олдуғуну билдириб.
“Енержи саһәсиндә чохсајлы лајиһәләримиз вар, һәмин лајиһәләрин бәзиси артыг тамамланмаг үзрәдир. Автомобил һиссәләринин истеһсалы, кәнд тәсәррүфаты вә кәнд тәсәррүфаты аваданлыглары саһәләриндә дә әмәкдашлыг едә биләрик".
Ики өлкә арасындакы инфраструктурун инкишаф етдирилмәсинин зәрурилијиндән данышан Ш.Мустафајев билдириб ки, һазырда Шимал-Ҹәнуб Нәглијјат Дәһлизи лајиһәси үзәриндә ишләр давам етдирилир. Нефт вә газ саһәсиндә әмәкдашлыг үчүн дә бу ҝүн данышыг апардыг.
Ш.Мустафајев билдириб ки, Азәрбајҹан, Иран вә Русија електрик хәтләринин бирләшдирилмәси, Худафәрин лајиһәси, ҝөмрүк, сәрһәд вә кәнд тәсәррүфаты, тәһсил вә мәдәнијјәт саһәләриндә ики өлкә арасында чох ҝөзәл әлагәләр мөвҹуддур.
342/
22 noyabr 2021 - 07:52
Xəbər kodu: 1200972
Иранда сәфәрдә олан Азәрбајҹан Республикасы баш назиринин мүавини, Азәрбајҹан Республикасы илә Иран Ислам Республикасы арасында игтисади, тиҹарәт вә һуманитар саһәләрдә әмәкдашлыг үзрә Дөвләт Комиссијасынын һәмсәдри Шаһин Мустафајев бу ҝүн Иранын јол вә шәһәрсалма назири Рүстәм Гасими илә ҝөрүшүб.
