АБНА24 Хәбәр Верир, Лавров Чавушоғлудан Түркијә илә Украјна арасындакы һәрби-техники һәмкарлыглар барәдә Русијанын ниҝаранчылыгларына ҹидди јанашмасыны истәјиб.
Русија хариҹи ишләр назирлији бу телефон сөһбәтиндән сонра јајдығы бәјанатда билдириб ки, һәмин данышыгда Украјна һадисәләри вә бу өлкәнин дуруму үзәриндә тәмәркүзләшмә илә бир сыра реҝионал мәсәлә нәзәрдән кечирилиб.
Рус тәрәф бу сөһбәтдә вурғулајыб ки, Украјнанын өз гәрбли ортагларынын һимајәсилә бу өлкәнин ҹәнуб-шәргиндә ҝәрҝинлији артырмаг үзрә рәфтары бөлҝәнин вәзијјәтини ҹидди шәкилдә сәбатсызлашдырыб.
Бундан өнҹә Түркијәнин «Бајкар» вә Украјнанын «Ивченко Прогресс» ширкәтләри пилотсуз тәјјарәләрин инкишаф етдирилмәси үзрә һәмкарлыг саһәсиндә мүгавиләләр имзалајыблар.
Түркијәнин Анадолу информасија аҝентлији хәбәр верибдир ки, Истанбулда кечирилән вә Түркијәнин ән ири сәнаје топлантысы сајылан «САҺА ЕХПО» сәрҝисиндә Түркијә вә Украјна ширкәтләри мүәјјән мүгавиләләр имзалајыблар ки, онлара әсасән, Түркијә ПУА-лары украјналы ширкәтләр тәрәфиндән дүзәлдилән «АЫ-322Ф» мотору илә тәгдим едиләҹәк.
342/
21 noyabr 2021 - 04:53
Xəbər kodu: 1200616
Русијанын хариҹи ишләр назири Серҝеј Лавров дүнән түркијәли һәмкары Мөвлуд Чавушоғлу илә телефон әлагәси сахлајыб.
