АБНА24 Хәбәр Верир, Әли Шәмхани Јени Деһлидә кечирилән 3-ҹү Реҝионал Тәһлүкәсизлик Даилогу Форумунда етдији чыхышында, дејиб: "Һазырда биз Әфганыстанда ишғалчыларын реҝионал планларындан ирәли ҝәлән тәһлүкәләрлә үз-үзәјик. Бу тәһлүкә бир тәрәфдән ИШИД вә тәкфирчи террор тәшкилатларынын мөвҹудлуғу, бөјүмәси вә инкишафы, диҝәр тәрәфдән исә өлкәдә мәзһәб савашы рискиндән гајнагланыр. Бу, исә реҝионда истәр гоншу, истәрсә дә гоншу олмајан һамымыз үчүн проблем јарадаҹаг".
Иранын Али Милли Тәһлүкәсизлик Шурасынын катиби Әфганыстандакы мөвҹуд вәзијјәтлә бағлы үч нараһатлығын бәзи өлкәләрин террорчу-тәкфирчи үнсүрләрин Әфганыстана көчүрүлмәсинә мүдахиләси, јохсуллуғун вә һуманитар бөһранын ҝенишләнмәси вә әфган халгынын өз өлкәләриндә гала билмәси үчүн јардымлары зәрури едән иммиграсија бөһранынын олдуғуну вурғулајыб вә гејд едиб ки, Иран Ислам Республикасы узун илләрдир Әфганыстандан олан 3 милјондан чох гачгыны гәбул едиб вә индијәдәк онларын хәрҹләринин 96 фазидән чоху Иран мәнбәләриндән тәмин едилиб вә бејнәлхалг гурумлар јалныз 4 фаиз јардым едибләр.
Шәмхани сөзләринин давамында дејиб: "Иҹласда иштирак едән өлкәләрин Әфганыстандакы мөвҹуд вәзијјәтә ҝөрә мәсулијјәт дашыјанлары мәсулијјәтә ҹәлб етмәк, бу өлкәдәки бүтүн етник групларын иштиракы илә инклүзив һөкумәт гурмаға чалышмаг вә Әфганыстанда һуманитар бөһрана гаршы мүбаризә дә дахил олмагла бир сыра вәзифәләри вар".
Иранын Али Милли Тәһлүкәсизлик Шурасынын катиби чыхышынын башга бир һиссәсиндә АБШ-ын Әфганыстаны террорла мүбаризә бәһанәси илә 20 ил әввәл ишғал етдијини, лакин ишғалын илк илләриндә АБШ-ын иддиа етдији кими илһам вериҹи нүмунәви өлкә етмәк әвәзинә, бөһранлы Әфганыстаны ҝеридә гојдуғуну билдириб.
Әли Шәмхани, һәмчинин Әфганыстан халгынын өз имканларындан истифадә едә билмәси үчүн АБШ-а бу өлкәнин малијјә ресурсларыны сәрбәст бурахмаг үчүн тәзјиг ҝөстәрмәк, Әфганыстанда тәкфирчи терроризм вә ИШИД-ә гаршы мүбаризә, бу груплары малијјәләшдирмәјин јолларыны тапмаг вә онларын малијјә имканларыны кәсмәк, мигрант бөһранынын һәллинә вә әфган гачгынларыны гәбул едән өлкәләрә көмәк етмәји дә иштиракчы өлкәләрин диҝәр вәзифәләриндән адландырыб.
342/
11 noyabr 2021 - 16:29
Xəbər kodu: 1197711
Иранын Али Милли Тәһлүкәсизлик Шурасынын катиби Әфганыстан вә реҝионда ИШИД вә тәкфирчи террор груплашмаларынын вә мәзһәб савашларынын бөјүмәси вә јајылмасы илә бағлы хәбәрдарлыг едиб.
