10 нојабр бәјанаты Азәрбајҹанын әрази бүтөвлүјүнү тәмин етдими?

АБНА24 Хәбәр Верир, өтән ил сентјабрын 27-дә Азәрбајҹан Ордусу 30 илә јахын мүддәт әрзиндә Ермәнистан Силаһлы Гүввәләри тәрәфиндән ишғал алтында сахланылан торпагларын азад олунмасы уғрунда дөјүшләрә башлајыб.

Мүһарибә дөврүндә Азәрбајҹан Ордусу ермәни ишғалчыларынын тапдағы алтында олан торпаглары һәр ҝүн кәндбәкәнд, шәһәрбәшәһәр азад едиб.

44 ҝүн давам едән дөјүшләр заманы 5 шәһәр, 4 гәсәбә вә 286 кәнд ишғалдан азад едилиб. Белә ки, Ҹәбрајыл шәһәри вә рајонун 90 кәнди, Фүзули шәһәри вә рајонун 53 кәнди, Зәнҝилан шәһәри, рајонун Минҹиван, Ағбәнд, Бартаз гәсәбәләри вә 52 кәнди, Хоҹавәнд рајонунун Һадрут гәсәбәси вә 35 кәнди, Тәртәр рајонунун 3 кәнди, Губадлы шәһәри вә рајонун 41 кәнди, Хоҹалы рајонунун 9 кәнди, Шуша шәһәри, Лаҹ̧ын рајонунун бир нечә кәнди, һәмчинин Ағдәрә вә Муровдағ истигамәтләриндә бир нечә стратежи јүксәклик, Зәнҝиланда исә стратежи әһәмијјәтли јүксәкликләр азад олунуб.

Бу арада Азәрбајҹан Ордусунун нојабрын 8-дә Шуша шәһәрини ишғалдан азад етмәси ермәниләрин фактики олараг мәғлубијјәтинә сәбәб олуб.

Бунун ардынҹа нојабрын 9-дан 10-на кечән ҝеҹә Азәрбајҹан Президенти Илһам Әлијев, Ермәнистанын Баш назири Никол Пашинјан вә Русија Президенти Владимир Путин мүнагишә зонасында атәшин вә бүтүн һәрби әмәлијјатларын там дајандырылмасы барәдә бәјанат имзалајыблар. Бунунла да мүһарибәјә сон гојулуб вә бәјаната әсасән, Ағдам, Кәлбәҹәр вә Лачын рајонлары сүлһ јолу илә Азәрбајҹана гајтарылыб вә Азәрбајҹан үстүнлүк газаныб, лакин һәлә дә Гарабағын дағлыг әразиләриндән бир һиссәсинин нәзарәтдән кәнарда галдығына хатир өлкәнин әрази бүтөвлүјүнүн там тәмин олундуғуну сөјләмәк чәтиндир, чүнки һәмин әразиләрә нәзарәт русијалы сүлһмәрамлы гүввәләрин әлинә кечиб вә гондарма режим өз һәјатыны давам етдирәрәк, Бакыја табе олмагдан бојун гачырыр, АТӘТ Минск Групунун һәмсәдрләри исә сепаратчылара статус тәләб етмәкдән јорулмурлар.



342/