АБНА24 Хәбәр Верир, буну Русија Федерасијасы президентинин мәтбуат катиби Дмитри Песков нојабрын 7-дә “Интерфакс”а билдириб.
“Интерфакс”ын мәлуматына ҝөрә, ҝөрүш ҝәлән һәфтәнин әввәлиндә баш тутаҹаг.
Лакин Песковун бәјанатындан сонра Ермәнистанын баш назири Никол Пашинјан дејиб ки, Ермәнистан, Русија вә Азәрбајҹан башчыларынын үчтәрәфли ҝөрүшүнүн вахты илә бағлы јекун разылыг јохдур.
О, Ермәнистанын Иҹтимаи Телевизијасына дејиб ки, һазырда нојабрын 9-да ҝөрүшүн кечирилмәси илә бағлы разылыг јохдур.
Хатырладаг ки, гејри-рәсми мәлумата ҝөрә, гаршыдакы ҝөрүшдә тәрәфләр Азәрбајҹан вә Ермәнистан арасында сәрһәдин делимитасијасы, еләҹә дә ики өлкә арасында сүлһ сазишинин бағланмасы илә бағлы ики сәнәд имзаламалыдырлар.
Бәзи медиаларда исә ҝөрүшдән мүмкүн ҝөзләнтиләр барәдә бунлар дејилир:
1. Үчтәрәфли разылашмаларын иҹрасы мүзакирә олунаҹаг вә тәрәфләрин разылашмалара садиглији јенидән тәсдигләнәҹәк;
2. Коммуникасијаларын ачылмасы илә бағлы график тәсдигләнәҹәк.
3. Сәрһәдләрин делимитасија вә демаркасијасынын һансы илин хәритәсинә ујғун башланмасы үчүн үчтәрәфли бәјанат имзалана биләр. беләки, коммуникасијаларын ачылмасы графикини тәсдиг етмәк үчүн сәрһәдин мүәјјәнләшмәси просесинә дә башланылмалыдыр.
Баш назир мүавинләринин тәмсил олундуғу үчтәрәфли Ишчи Групунун нөвбәти ҝөрүшү нојабрын 29-да кечириләҹәк вә ҝөрүнүр, Москва просесдә әмәли мәрһәләнин башланмасы үчүн бу ҝөрүшә гәдәр лидерләр сәвијјәсиндә разылашмалара наил олмаг истәјир.
342/
9 noyabr 2021 - 16:59
Xəbər kodu: 1197200
Ҝәлән һәфтә Русија, Азәрбајҹан вә Ермәнистан лидерләринин үчтәрәфли ҝөрүшүнүн кечирилмәси планлашдырылыр.
