АБНА24 Хәбәр Верир, «Зүлфүгар-1400» бирҝә һәрби тәлимләринин әсас мәрһәләләри бу ҝүн мүгәддәс «Ја, Рәсулаллаһ(с.ә.с.) ады илә Иранын ҹәнубунда јерләшән Мәкран саһилләриндә башланыб. Һәрби тәлимләрдә ордунун һава гүввәләринин гырыҹылары вә ПУА-ларынын һимајәсилә дәниз гүввәләринин суүстү вә суалты гајыглары, һава һүҹумундан мүдафиә гүввәләринин зенит системләри, гуру гошунларынын механикләшдирилмиш, зиреһли вә пијада бөлмәләри иштирак едирләр.
«Зүлфүгар-1400» бирҝә һәрби тәлимләринин сөзчүсү контр-адмирал Сејид Маһмуд Мусәви белә дејиб: Һүҹумчу гүввәләрин анти-електрон, сигнал вә електрон информасијаларын топланмасы әмәлијјаты саһил вә тактика бөлмәләринин истигамәттапыҹы вә динләмә системләриндән истифадә, һәмчинин Иран истеһсалы олан Әбабил-3, Јәсир, Садиг, Мүһаҹир-4 вә Симург кәшфијјат пилотсузлары, еләҹә дә РФ-4, П3Ф вә Боеинҝ-707-ә шамил олан кәшфијјат тәјјарәләри илә уғурла һәјата кечирилиб.
Контр-адмирал Мусәви сонра белә сөјләјиб: Һава патрулу әмәлијјаты вә дүшмән һәдәфләри илә мүбаризә үчүн һава һүҹумундан мүдафиә системләринин атәшинин јеринә јетирилмәси вә Иранын ҹәнуб суларында һәрби тәлимләрин үмуми бөлҝәси вә өлкәнин һава мәканынын изләнилмәси «Зүлфүгар-1400» бирҝә һәрби тәлимләриндә мәшг едиләҹәк ссенариләрин диҝәр бир һиссәси олаҹаг.
Контр-адмирал Мусәви реҝион өлкәләринин бирлији вә баҹарыгларына сөјкәнмәклә Гәрби Асија бөлҝәсиндә тәһлүкәсизлијин бәргәрарыны реал адландырыб вә белә дејиб: Ордунун «Зүлфүгар-1400» бирҝә һәрби тәлимләринин реҝион өлкәләринә олан месажы, реҝиондахили имканлара сөјкәнмәклә сүлһ вә достлуғун бәргәрары үчүн һазырлыгдыр, зира тарих сүбут едибдир ки, диҝәр реҝионашыры өлкәләр әмин-амансызлыг јарадан вә милитарист ојунчулар олублар вә онлар Гәрби Асија бөлҝәси үчүн әмин-амансызлыг, мүһарибә вә ишғалдан савајы һеч бир диҝәр мүждә ҝәтирмәјибләр.
342/
8 noyabr 2021 - 06:28
Xəbər kodu: 1196592
Иран Ислам Республикасы Ордусунун «Зүлфүгар-1400» бирҝә һәрби тәлимләринин әсас мәрһәләләри башланыб.
