АБНА24 Хәбәр Верир, Иранын хариҹи ишләр назири Һүсејн Әмир Абдуллаһијан илә Азәрбајҹан Республикасынын хариҹи ишләр назири Ҹејһун Бајрамов арасында телефон данышығы баш тутуб, тәрәфләр икитәрәфли мүнасибәтләри мүзакирә едибләр.
Әмир Абдуллаһијан телефон данышығы заманы Иран Ислам Республикасы илә Азәрбајҹан Республикасы арасында гардашлыг вә јахын мүнасибәтләри хатырладараг, дејиб: "Сон ајларда бәзи анлашылмазлыгларла јанашы, ики өлкә арасында јахшы мүнасибәтләри севмәјән тәрәфләр дә активләшмишдиләр ки, биз буну ики өлкә рәсмиләринин мүдриклији илә архада гојдуг".
Иранын хариҹи ишләр назири әлавә едиб: "Инди ики өлкә икитәрәфли әмәкдашлыглары даһа да инкишаф етдирмәјә доғру һәрәкәт едә биләрләр".
Азәрбајҹан Республикасынын хариҹи ишләр назири дә билдириб ки, ики өлкә арасындакы анлашылмазлыгдан башгаларынын суи-истифадә етмәсинә имкан верилмәмәли, һәр һансы анлашылмазлыг достлуг вә гардашлыг мүһитиндә һәлл олунмалыдыр вә Бакы Теһранла әлагәләри ҝенишләндирмәјә һазырдыр.
Икитәрәфли тиҹарәт әлагәләри вә Иран Ислам Республикасы вә Азәрбајҹан Республикасы арасында Бирҝә Игтисади Комиссијада ики өлкәни тәмсил едәҹәк шәхсләрин тәјин едилмәси бу телефон данышығында гејд олунан диҝәр мәсәләләрдәндир.
342/
7 noyabr 2021 - 19:35
Xəbər kodu: 1196483
Иранын хариҹи ишләр назири, азәрбајҹанлы һәмкары илә баш тутан телефон данышығында, Иран вә Азәрбајҹан Республикасы рәсмиләринин мүдриклији илә анлашылмазлыглар дөврүнүн архада галдығыны вурғулајыб.
