АБНА24 Хәбәр Верир, Глазго Иглим Саммитинин бешинҹи ҝүнү, јерли вахтла ҹүмә ҝүнү ҝүнорта саатларында минләрлә ҝәнҹ вә әтраф мүһит фәаллары аксија кечирәрәк, бир сыра шүарлар сәсләндирибләр вә саммитдә иштирак едән башчылары глобал истиләшмәни азалтмаг үчүн реал вә мәналы дәјишикликләр јаратмаға чағырыблар.
Иглим фәаллары бу аксијада иглим дәјишиклији вә глобал истиләшмә бөһранына диггәт јетирилмәсинин ваҹиблијини вурғулајыблар.
Нүмајишдә Фәләстин тәрәфдарлары вә сионист режимин әлејһдарлары да иштирак едирдиләр, онлар Фәләстин бајрағыны далғаландырараг "Исраилә өлүм" шүарлары сәсләндирибләр.
Бу нүмајишләр елә бир һалда кечирилир ки, јүксәк сәвијјәли дүнја лидерләри, експертләр вә әтраф мүһит фәаллары илә бирликдә кечән базар ертәси ҝүнүндән етибарән Британијанын Глазго шәһәриндә бир араја ҝәлибләр вә 26-ҹы Иглим Саммити чәрчивәсиндә глобал истиләшмәнин гаршысынын алынмасы вә иглим дәјишиклији илә бағлы 2015-ҹи илдә әлдә едилән Парис сазышынын гүввәдә галмасыны мүзакирә едирләр.
342/
7 noyabr 2021 - 19:27
Xəbər kodu: 1196477
Әтраф мүһит фәаллары Британијада кечирилән Глазго Иглим Саммитинин кәнарында нүмајиш кечирәрәк, дөвләт башчыларыны ҹидди вә тәҹили тәдбирләр ҝөрмәк үчүн өһдәлик ҝөтүрмәјә чағырыблар.
