АБНА24 Хәбәр Верир, Фатеһ Дөнмәз дејиб ки, бу мүгавилә һагда разылашма демәк олар ки, әлдә олунуб.
Түркијәнин ҹари илдә тәбии газа олан јүксәк тәләбаты, газ идхалы үзрә узунмүддәтли мүгавиләләри узатмадығы бир шәраитдә бу өлкәни тәкмәһсуллу базарда алгылары артырмаға мәҹбур едиб.
Түркијәнин илдә тәгрибән 48 милјард кубметрлик газ идхалы барәдә мүгавиләси вар. Јәни, о, тәкмәһсуллу базарлардан 13 милјард кубметрә јахын мајеләшдирилмиш тәбии газ- ЛНҜ алмалыдыр ки, бунун да гијмәти һал-һазырда астрономик һәддә галхыбдыр.
Авропанын ән ири газ идхалчыларындан олан Түркијә/ бору кәмәрләри васитәсилә Русија, Иран вә Азәрбајҹан Республикасындан тәбии газ, һәмчинин Ниҝерија, Әлҹәзаир вә тәкмәһсуллу базардан мајеләшдирилмиш тәбии газ- ЛНҜ идхалына истинад едир.
Бу өлкәнин иллик үмуми һәҹми он алты милјард кубметр олан дөрд узунмүддәтли импорт мүгавиләси вардыр ки, онларын мүддәти бу ил баша чатаҹаг. Түркијә електрик стансијаларында истифадә олунан тәбии газын гијмәтини 47, сәнаједә истифадә едилән газын гијмәтини исә 48 фаиз артырыб. Белә бир һалда, Анкара ади истеһлакчылар үчүн газын гијмәтини һеч бир дәјишиклик етмәдән олдуғу кими сахлајыбдыр.
342/
6 noyabr 2021 - 12:31
Xəbər kodu: 1196031
Түркијәнин енерҝетика назири билдириб ки, өлкәси Русијадан тәбии газ идхалы үзрә мүгавиләни 2022-ҹи илин әввәлиндән узадаҹаг.
