Амнистија акты 16-17 мин шәхси әһатә едәҹәк

АБНА24 Хәбәр Верир, Милли Мәҹлис сәдринин биринҹи мүавини Әли Һүсејнли билдириб ки, мүзакирәјә чыхарылан сәнәд индики дөврүн ән бөјүк амнистија актыдыр: "Аминстија акты тәхминән 16-17 мин шәхси әһатә едәҹәк. Бу, ән бөјүк аминистија гәрарыдыр. Бунун иҹра мүддәти 4 ај олаҹаг".

Мүзакирәләрдән сонра “8 Нојабр – Зәфәр Ҝүнү мүнасибәтилә амнистија елан едилмәси һаггында” Милли Мәҹлисин гәрар лајиһәси сәсә гојулараг гәбул едилиб.

Гәрар лајиһәсинә ҝөрә амнистија тәтбиг едилән шәхсләрин даирәсинә вәтән мүһарибәсиндә иштирак етмиш шәхсләр, һабелә бу мүһарибәдә һәлак олмуш вә ја хәбәрсиз иткин дүшмүш шәхсләрин јахын гоһумлары; вәтән мүһарибәси илә бағлы Азәрбајҹан Республикасынын орден вә медаллары илә тәлтиф олунмуш шәхсләр; вәтән мүһарибәси дөврүндә мүлки әһалијә гаршы Ермәнистанын һүҹумлары нәтиҹәсиндә әлил олмуш шәхсләр вә ја һәлак олмуш шәхсләрин јахын гоһумлары; Хоҹалы сојгырымында әлил олмуш шәхсләр, һәлак олмуш вә ја хәбәрсиз иткин дүшмүш шәхсләрин јахын гоһумлары;

1.5. 1948–1953-ҹү вә 1988–1992-ҹи илләрдә Ермәнистандан депортасија олунмуш шәхсләр;

1.6. 1988–1993-ҹү илләрдә өз доғма торпагларындан мәҹбури көчкүн дүшмүш шәхсләр;

1.7. 1990-ҹы ил 20 Јанвар фаҹиәсиндә әлил олмуш шәхсләр вә ја шәһид олмуш шәхсләрин јахын гоһумлары; ССРИ тәркибиндәки дөврүн дөјүшләриндә вә әмәлијјатларында иштирак етмиш шәхсләр вә онларын гоһумлары, еләҹә дә

бөјүк иҹтимаи тәһлүкә төрәтмәјән ҹинајәт төрәтдикләринә ҝөрә мүәјјән мүддәтә азадлыгдан мәһрум етмә ҹәзасына мәһкум едилмиш шәхсләр; мүәјјән шәртләри тәмин едән гадын мәһбуслар, инзибати зәминдә һәбс едилмиш һәрбчиләр вә сајирә…дахилдир.

Гәрарда өз әксини тапан шәртләрлә сијаси вә инанҹ мәһбусларынын да әфв фәрманына шамил олуб олмајаҹаглары бәлли дејил.



342/