АБНА24 Хәбәр Верир, сионист тәһлилчи Јони бин Мәнаһим өз мәгаләсиндә јазыр: “Иран ПУА-лары Јахын Шәргдә чох тәһлүкәли бир силаһа чеврилибләр.”
Бин Мәнаһим иддиа едиб ки, Иран Ираг вә Суријаны, һабелә Ливан Һизбуллаһыны, Фәләстиндә ҺӘМАС-ы вә Ислами Ҹиһад Һәрәкатыны бу дронларла тәҹһизатландырыб. Вә бу дронлар Америка вә Исраилин һәмишәки нараһатлыг мәнбәјидир, Иран үчүн чох тәсирли бир силаһа чеврилиб.
Сионист тәһлилчи әлавә едиб: “Бу дронлар Гәрби Асијада һава дөјүшләринин маһијјәтини дәјишәҹәк, Иранын вә онун мүттәфигләринин Исраилә гаршы ҝәләҹәк һәрби дөјүшләриндә ҹидди рол ојнајаҹагдыр.”
О вурғулајыб ки, Американын сабиг президенти Доналд Трамп Иран ПУА-ларынын тәһлүкәси јолларынын арашдырылмасы үчүн АБШ-Исраил ишчи групу јаратмышдыр вә бу груп Ҹо Бајденин дөврүндә дә өз ишини давам етдирәҹәк.
Гејд едәк ки, сон вахтлар сионист КИВ-ләрдә јајылан мәлуматлара ҝөрә, бу режим Иран дронларындан горхдуғу үчүн ишғал едилмиш Фәләстинин шимал әразиләриндә өз мүдафиә вә радар системләринин лајиһәләрини ҝүҹләндирмәк нијјәтиндәдир.
“Тимес оф Исраил” гәзети дә мәлуматлы мәнбәјә истинадла билдириб ки, Исраил режиминин ордусу сон илләрдә Јахын Шәргә ахмыш Иран истеһсалы олан ПУА-ларын тәһдидинин артмасына диггәт етмәклә, һавадан мүдафиә системләрини ҝүҹләндирир.
342/
5 noyabr 2021 - 20:13
Xəbər kodu: 1195793
Сионист тәһлилчи АБШ вә Исраилин Иран ПУА-ларындан горхдуғуну етираф етди.
