Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Үмумдүнја Әһли-Бејт (ә) Ассамблејасынын баш катиби Ајәтуллаһ Рза Рамезани Ливана сәфәри чәрчивәсиндә Ливанын Шимали, Ҹубејл бөлҝәсиндә Шиә алимләри илә ҝөрүшүб.
Бу ҝөрүшдә Һизбуллаһын Ҹубејл бөлҝәси үзрә нүмајәндәси Шејх “Мәһәммәд Әмр”, Ҹубејл бөлҝәсинин Имам Ҹүмәси шејх “Әл-Итави”, шимал бөлҝәсинин бир һиссәсинин мәсулу шејх “Әшрәф Әмһаз” кими шәхсијјәтләр, Ҹубејлин шимал бөлҝәсинин мәсулу Шејх “Рза Әһмәд”, Шејх Маһир Габдан, Әли Мәгдад вә Ливанын Ҹубејл бөлҝәсиндә бәләдијјә ишләриндән мәсул Һәсән Мегдад иштирак едирди.
Һизбуллаһын Ҹубејл бөлҝәси үзрә нүмајәндәси Шејх Мәһәммәд Әмр ҝөрүшүн әввәлиндә бөлҝәдәки вәзијјәтлә бағлы дејиб: "50 мин Шиә Ҹбејл бөлҝәсиндә јашајыр вә мүлк саһибидир. Бурада мүлк саһиби олан Шиәләрин чоху башга шәһәрләрдә дә мүлк саһибләридирләр вә бу шәһәрләрә ҝет-ҝәл едирләр. Ҹубејлдәки Шиә бөлҝәси бөлҝәдә јашајан Маруни Христианлар тәрәфиндән мүһасирәјә алыныб вә Шиә бөлҝәсинин Марониләрә тәһвил верилмәси үчүн чохлу ҹәһдләр едилиб вә бу мөвзуда бәзи аддымлар да атылыб, лакин Һизбуллаһын рәһбәрлији вә Ҹубејлдәки Шиәләрин мүгавимәти илә Шиәләр бу бөлҝәдә мөвҹудијјәтләрини горудулар. Амма бүтүн бунлара рәғмән Ҹубејл бөлҝәсиндә Шиәләри дәстәкләмәк вә бура Шиәләринин елми вә тәһсил фәалијјәтләри үчүн һәлл јолу тапмаға еһтијаҹ вар.”
О, давам етди: Ҹубејл бөлҝәсиндә 13 Шиә алими вар вә бу бөлҝәдә бу сајда Шиә алимләринин олмасы сәбәбиндән бир Елми Һөвәзәјә еһтијаҹ дујулур. Ҹубејл рајону бағларла долу дағлыг бөлҝәдир, Ҹубејл баһалы бөлҝәдир вә ев саһибләри бу бөлҝәдә торпагларыны сатмырлар, амма буна бахмајараг Елми Һөвәзә тикмәк үчүн мин метр торпаг алдыг.
Ајәтуллаһ Рамазани дејиб: “Мәним үчүн мараглыдыр ки, Ҹубејл бөлҝәси христианлар тәрәфиндән ишғал едилиб. Ән ваҹиб силаһларымыздан бири христианларла данышыглар апармагдыр, курслар кечиб мәлумат алмалыјыг вә христианларла данышмаг үчүн өзүмүзү мәшг етдирмәлијик. Ливан ачыг вә азад өлкәдир вә биз бу имкандан истифадә едиб диалог аренасыны ҝүҹләндирмәлијик...”
Диггәт: Хәбәрдән Истифадә Етдикдә Мәнбәјә Истинад Лазымдыр!
