АБНА24 Хәбәр Верир, Тәсним јазыр ки, гоншу өлкәләр арасындакы фикир ајрылыгларынын, проблемләрин данышыгла, кәнар гүввәләрдән тәсирләнмәдән арадан галдырылмасы мүмкүндүр. Бу, онларын марагларыны тәмин етмәклә јанашы, дүшмәнләрин тәхрибат вә планларынын гаршысыны да алыр.
Аҝентлик билдирир ки, Иран һәр заман динҹ, јанашы јашамаг, гоншуларынын суверенлик һүгугуна һөрмәтлә јанашылмасы принсипиндән чыхыш едиб. Бу мәнада о, һәртәрәфли әлагәләри инкишаф етдирмәк үчүн әлиндән ҝәләни әсирҝәмәјиб. Мәсәлән, Ермәнистанла Азәрбајҹан арасында бир заманлар ишғал алтында олмуш Гарабағ бөлҝәсиндә баш вермиш сон мүһарибәдә Теһран конструктив мөвге сәрҝиләјиб. Рәсми Теһран мүнагишәнин динҹ јолла һәлл олунмасы истигамәтиндә дипломатик данышыгларын апарылмасына чағырыш едиб, ишғал едилмиш әразиләрин Азәрбајҹана гајтарылмасынын ваҹиблијини вурғулајыб.
Мүәллиф гејд едир ки, Иран рәсмиләринин бу јанашмасы ортаг дәјәрләрә вә нәтиҹә етибары илә сүлһә әсасланыр. Амма бу јанашма бәзән реҝионда сабитлији позмаға чалышан бәзи бәдхаһларын шәр әмәлләри вә мүдахиләси нәтиҹәсиндә анлашылмазлыглара да сәбәб олур. Нәтиҹәдә гоншу өлкәләр арасында о гәдәр дә јахшы ҝөрүнмәјән риторикаја раст ҝәлинир. Азәрбајҹан рәсмиләринин сон һәфтәләрдә Ирана гаршы истифадә етдикләри ифадәләр дә буна нүмунә иди. Тәәссүф ки, гоншулар арасында динҹ мүнасибәтләрин олмасыны истәмәјән, реҝионда чахнашма вә бөһран јаратмаға чалышан гүввәләр белә һаллардан истифадә едир. Амма Теһранла Бакы мүхтәлиф амилләри, һәмчинин ики өлкә арасындакы ортаг мәдәни вә дини дәјәрләри, араларындакы сијаси-игтисади әлагәләри нәзәрә алмалыдырлар. Одур ки, онлар бу анлашылмазлыглары арадан галдырмаға, мүнасибәтләри инкишаф етдирмәјә, икитәрәфли әлагәләрин әввәлки, арзуолунан сәвијјәјә гајытмаға чалышмалыдырлар.
Тәсним гејд едир ки, бу ҝүн тәрәфләрин сајыглығы, мөвҹуд ҝәрҝинлији азалтмаг үчүн атдыглары бирҝә аддымлар ики өлкә арасындакы гәдим исти мүнасибәтләрин бәргәрар олмасы үчүн әлверишли шәраит јарадыб. Башга сөзлә, тәрәфләр мүнасибәтләрин нормаллашмасы, анлашылмазлыгларын арадан галхмасы истигамәтиндә мүһүм аддымлар атыр.
Јазынын сонунда билдирилир ки, Исраилин реҝионда мөвҹуд олуб-олмадығы, фәалијјәт ҝөстәриб-ҝөстәрмәдији мәсәләсиндә шәффафлыг, шүбһәсиз ки, ики дөвләт арасында мүнасибәтләрин јахшылашмасында мүһүм рол ојнајаҹаг. Чүнки бу, Ирана вә үмумиликдә реҝионун тәһлүкәсизлијинә тәһдиддир. Хариҹи мүнасибәтләр елә тәнзимләнмәлидир ки, бөлҝәјә кәнар, хәбис вә тәһлүкәсизлији позмаг нијјәти ҝүдән өлкәләрин ајағы ачылмасын.
342/
1 noyabr 2021 - 05:05
Xəbər kodu: 1194235
Иранын Тәсним Хәбәр Аҝентлији Теһран-Бакы арасындакы анлашылмазлыглара неҹә сон гојулдуғуну шәрһ едиб.
