АБНА24 Хәбәр Верир,Багири "РТ" хәбәр каналына вердији мүсаһибәдә Иранын нүмајәндә һејәтинин Брүсселә сәфәрини дәјәрләндирәркән, дејиб: "Бизим 4+1 групу илә данышыгларда мәгсәдимиз АБШ-ын Ирана гаршы гејри-гануни вә залымҹасына санксијаларынын ләғв едилмәсидир, она ҝөрә дә биз Авропа тәрәфи илә шәртләр, тәләбләр вә һисс олунасы нәтиҹәләрә наил олмаг барәдә данышдыг".
О, нүвә мүзакирәләриндә ирәлиләјишин гаршы тәрәфин гејри-гануни санксијалары ләғв етмәјә даир ирадәсиндән асылы олдуғуну билдириб.
Багири даһа сонра һәр бир өлкәнин өз тәһлүкәсизлијини горумаг һүгугуну вурғулајараг, Иранын мүдафиә габилијјәтинин мүдафиә мәгсәдләринә јөнәлмиш олдуғуну билдириб вә хариҹи өлкәләрин бу мәсәләләрә мүдахилә еһтималыны рәдд едиб.
Иранын хариҹи ишләр назиринин мүавини һәмчинин Али Мәгамлы Рәһбәрин нүвә силаһынын истеһсалы, сахланылмасы вә ја истифадәсини гадаған едән фәтвасына ишарә едәрәк, Иранын нүвә фәалијјәтләрини гејри-һәрби вә динҹ мәгсәдли характеризә едиб.
Багири сионист режимин Ирана гаршы иттиһамы илә бағлы дејиб: "Бу режим Гәрби Асијада нүвә силаһына малик олан јеҝанә режимдир вә буна ҝөрә дә иддиачы дејил, тәгсирләндирилән шәхс мөвгејиндәдир".
"Атом Енержиси үзрә Бејнәлхалг Аҝентлик диҝәр өлкәләрин өз гәрәзли мәгсәдләри әсасында АЕБА-нын техники имканларындан суи-истифадә етмәсинә имкан вермәмәлидир", - дејә о, әлавә едиб.
Багири Москваја сәфәри чәрчивәсиндә русијалы һәмкары вә баш нүвә мүзакирәчиси Серҝеј Рјабков, еләҹә дә Русија хариҹи ишләр назиринин мүавини вә Русија президентинин Гәрб вә Шимали Африка мәсәләләри үзрә нүмајәндәси Михаил Богданов илә ҝөрүшүб.
342/
31 oktyabr 2021 - 15:51
Xəbər kodu: 1194083
Иранын хариҹи ишләр назиринин сијаси мәсәләләр үзрә мүавини Әли Багири Иранын 4+1 групу илә данышыглардан мәгсәдинин залымҹасына санксијаларын арадан галдырылмасы олдуғуну билдириб.
