АБНА24 Хәбәр Верир,Марија Захарова өз телеграм сәһифәсиндә јазыб: "Һәм Авропа Иттифагы, һәм дә Полша јахшы билирләр ки, Москва газдан шантаж үчүн дејил гаршылыглы фајдалы әмәкдашлыг үчүн истифадә едир, она ҝөрә дә фајдалы гәрарлар гәбул етмәк даһа јахшыдыр".
Бир мүддәт әввәл Кремлин сөзчүсү Дмитри Песков да билдириб ки, Авропа Иттифагы истәрсә, Русија Украјна әразисиндән газ транзитини артырмаға һазырдыр.
Песков дејиб: "АИ алышы артырарса вә Кијев рәгабәтли транзит шәртләри тәклиф едәрсә, Русија Украјнадан газ транзитини артырмаға һазырдыр. "Газпром" Авропа Иттифагы гаршысында ҝөтүрдүјү бүтүн өһдәликләри јеринә јетирир вә Русија мөвҹуд мүгавиләләр чәрчивәсиндә Авропаја мүмкүн газ тәдарүкүнү максимум дәрәҹәдә артырыб".
Русијанын Хариҹи Ишләр Назирлијинин сөзчүсү Марија Захарова, һәмчинин Русијанын АБШ-дакы сәфирлијинин рус әмәкдашларынын ишдән чыхарылмасы илә бағлы бир бәјанат јајыб вә билдириб ки, Вашингтон нөвбәти ајларда даһа 55 русијалы дипломаты, сәфирлик вә консуллугларын инзибати, техники ишчиләрини өлкәдән чыхармаг истәјир.
Захарованын сөзләринә ҝөрә, бу, маһијјәтҹә говулмаг демәкдир вә дипломатик "ҹәбһәдә" вәзијјәти даһа да писләшдирәҹәк".
Захарова даһа сонра АБШ-ы Русија илә ҝәрҝинлији артыра биләҹәк һәрәкәтләрдән чәкинмәјә вә Москва илә икитәрәфли мүнасибәтләрдәки ҝәрҝинлији һәлл етмәк үчүн дүрүст, гаршылыглы һөрмәт әсасында диалог апармаға чағырыб.
342/
31 oktyabr 2021 - 15:43
Xəbər kodu: 1194075
Русија Хариҹи Ишләр Назирлијинин сөзчүсү дејиб ки, Авропа Иттифагы Русијанын газдан шантаж мәгсәдилә дејил, гаршылыглы фајдалы шәртләрлә әмәкдашлыг үчүн истифадә етдијини јахшы билир.
