Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Һисдистанда Ислам дининә вә Мүсәлманлара гаршы агрессија артмагда давам едир. Белә ки, радикал сағчы групларын 22 јерли бөлмәсиндән ибарәт бир Һинду тәшкилаты, Һәзара шәһәри бојунҹа иҹтимаи јерләрдә намаз гылынмасыны дәрһал гадаған етмәјә чағырды вә әјаләтдә күтләви нүмајишләр кечирмәклә һәдәләди.
Екстримист Маһавир Баһардуваҹын башчылыг етдији 5 нәфәрлик нүмајәндә һејәти комиссар мүавининин офисинә мәктубла мүраҹиәт едәрәк, бөлҝәдә иҹтимаи асајишин вә әмин-аманлығын горунмасы үчүн иҹтимаи јерләрдә намаз гылмағы гадаған етмәјә чағырыб (!).
Мәктубда гејд олунур ки, груп үзвләри октјабрын 4-дә комиссар мүавини илә әлагә сахлајыб вә иҹтимаи јерләрдә намаз гылынмасыны гадаған едән нота верибләр, лакин үч һәфтә кечмәсинә бахмајараг, һеч бир тәдбир ҝөрүлмәјиб.
Мәктубун давамында дејилир: “Биз демәк истәјирик ки, инсанлар иҹтимаи јерләрдә намаз гылмаға дөзә билмәзләр вә бунун гаршысы ән гыса заманда алынмалыдыр”.
Диггәт: Хәбәрдән Истифадә Етдикдә Мәнбәјә Истинад Лазымдыр!
