АБНА24 Хәбәр Верир, Сејид Һәсән Нәсруллаһ Әзиз Ислам Пејғәмбәри Һәзрәт Муһәммәд-и Мустафа (с.ә.с) вә Имам Ҹәфәр-и Садигин (ә) мүбарәк виладәтләринин илдүнүмү вә "Вәһдәт Һәфтәси" нин ҝәлиб чатмасы мүнасибәти илә бүтүн мүсәлманлары тәбрик едәрәк, гејд едиб ки, Һәзрәт Имам Хомејни (р.ә) вә Ислам Ингилабынын бәрәкәтләриндән бири бу иди ки, мүсәлманлар арасында мүбаһисә мөвзусу олан Пејғәмбәрин (с.ә.с) виладәти тарихи говушма вә бирлик нөгтәсинә чеврилди.
Ислам дүнјасында вәһдәтин ҹарчыларындан олан Иран Ислам Республикасынын бөјүк баниси Имам Хомејни (р.ә) бу мәсәләдән Ислами групларын бирлији вә јахынлашмасы үчүн истифадә етди вә 12-17 Рәбиүл-әввәл тарихләри арасындакы фасиләни "Вәһдәт Һәфтәси" адландырды.
Ливан Һизбуллаһынын баш катиби сөһбәтләринин диҝәр бир һиссәсиндә мәзлум Фәләстин халгынын чәкдији әзаб-әзијјәтә тохунараг, дејиб: "Һеч бир азадлыгсевәр инсан Фәләстинә, мәзлум Фәләстин халгына вә онларын мүгәддәсләринә биҝанә гала билмәз".
Сејид Һәсән Нәсруллаһ, һәмчинин тәҹавүзкар сәуд коалисијасынын Јәмәндә төрәтдији ҹинајәтләрә ишарә едәрәк, бејнәлхалг иҹтимаијјәти Јәмәндәки гурбанлары гынамаг әвәзинә милјонларла јәмәнлинин истәк вә ирадәсини динләмәјә чағырды.
342/
Нәсруллаһ: "Имам Хомејни (р.ә) Әзиз Ислам Пејғәмбәринин (с.ә.с) виладәтини мүсәлманларын бирлик нөгтәсинә чевирди"
24 oktyabr 2021 - 08:28
Xəbər kodu: 1191623
Ливан Һизбуллаһынын баш катиби Әзиз Ислам Пејғәмбәринин (с.ә.с) сәадәтли виладәтинин илдөнүмү мүнасибәти илә етдији чыхышында, шиә вә сүнни арасында вәһдәтин јаранмасында Иран Ислам Республикасынын бөјүк баниси Имам Хомејнинин (р.ә) әвәзедилмәз ролуну вурғулајыб.
