АБНА24 Хәбәр Верир, Сабаһ гәзети билдириб ки, он беш нәфәрдән ибарәт олан гејд олунан груп Түркијәдә ҹасуслуг едирмиш.
Бу мәлумата ҝөрә, бир ил сүрән бу сирли әмәлијјатда Түркијә әразисиндәки МОССАД шәбәкәси мәһв едилиб.
Сабаһ гејд едиб ки, бу сионист групун мәгсәди, Түркијә вәтәндашларындан, бу өлкәдә јашајан шәхсләр вә хариҹи тәләбәләрдән мәлуматын топланмасы вә онлардан ҹасуслуг едилмәси олуб.
Гејд олунан шәхсләр үч нәфәрлик дәстәләрә бөлүнүбмүшләр. Түркијәнин кәшфијјат тәшкилаты онларын һәрәкәтләрини изләдикдән сонра октјабрын једдисиндә кечирдији ҝизли бир әмәлијјатда бүтүн бу он беш нәфәри һәбс едиб.
Гәзетин билдирдијинә ҝөрә, онун әлдә етдији мәлуматлар ҝөстәрир ки, һәмин он беш нәфәрин истинтаг едилмәсиндән сонра мәлум олубдур ки, онлар әрәб олублар вә пул гаршылығында МОССАД гүввәләри үчүн информасија ҝөндәрирмишләр.
Истинтаг битдикдән сонра тәһгигат ҝениш шәкилдә давам едәҹәк вә һәмин шәхсләрә гаршы ҹинајәт иши ачылаҹаг.
Сабаһ сонра билдириб ки, бу он беш нәфәрдән сионист режимлә бағлы мүһүм сәнәд вә мәлуматлар мүсадирә олунуб.
«А.П.» адландырылан бу шәбәкәнин мүһүм үзвләриндән бири Түркијә тәрәфиндән сионист режимә гаршы фәләстинлиләрә тәгдим олунан имканларла информасија топлајырмыш.
Бу мәлумата әсасән, пул гаршылығында МОССАД үчүн ишләјән А.П. МОССАД-ла бағлы јерли мәсул шәхсләрдән оалн А.З. адлы бир шәхслә әлагәдә олуб вә она информасија ҝөндәрибдир. О, һәмин информасијаларын мүгабилиндә он минләрлә доллар пул алыбдыр.
Сабаһ гәзети даһа сонра белә гејд едиб: Полис мәркәзләриндә бу групун үзвләриндән бәзиләринин итмәси барәдә мәлуматлар гејдә алыныб. Бу шәхсләр информасијалары өтүрмәк үчүн Хорватија вә Исвечрә кими өлкәләрә сәфәр едибмишләр.
Бу мәлумата ҝөрә, әлдә олунан информасијалар парол гојулмуш програмлар формасында ҝизли сурәтдә сионист режимин ҹасуслуг органынын башчыларына ҝөндәрилирмиш.
Мәлуматын сонунда дејилир ки, бу груп һәмчинин Түркијәдә фәалијјәт ҝөстәрән тәшкилат вә органлардан информасијалар топлајыр вә онлары МОССАД-а ҝөндәрирмиш.
342/
22 oktyabr 2021 - 18:43
Xəbər kodu: 1191152
Түркијә медиалары бу ҝүн сәһәр хәбәр верибләр ки, бу өлкәнин кәшфијјат тәшкилаты сионист режимин ҹасуслуг тәшкилаты- МОССАД-ын табелијиндә олан бир групун үзвләрини һәбс едиб.
