АБНА24 Хәбәр Верир, сенаторлар өз ачыгламаларында билдирибләр ки, Бирләшмиш Штатлар һөкумәти Гарабағ ермәниләринин тәһлүкәсизлијини тәмин етмәк вә онларын һәјат шәраитини јахшылашдырмаг үчүн әлиндән ҝәләни едәҹәкдир.
2020-ҹи ил нојабрын 17-дә АБШ “Дағлыг Гарабағ мүнагишәсиндә зәрәр чәкән әһалијә јардым” мәгсәдилә Бејнәлхалг Гырмызы Хач Комитәсинә 5 милјон доллар ајырмышды.
Хатырладаг ки, һәлә 2021-ҹи ил ијунун сонунда АБШ Сенатынын 30-дан чох үзвү Дағлыг Гарабағда бир сыра мина тәмизләнмәси лајиһәләри үчүн гејд еидлән мәбләғдә малијјә ајрылмасыны истәмишди.
Һазырда рәсми Бакынын етиразларына бахмајараг, АБШ һөкумәти Гарабағ мүнагишәсинин битмәдијини билдирмәклә бу бөлҝәјә јени статусун верилмәсиндә исрарлыдыр.
АБШ президенти Ҹо Бајден Ермәнистанын мүстәгиллијинин 30 иллији илә әлагәдар бу өлкәнин баш назири Никол Пашинјана јаздығы мәктубда хүсуаи олараг Гарабағ мәсәләсинә тохунуб. “Ермәнистан халгы тәһдидләр, о ҹүмләдән Дағлыг Гарабағда һәрби әмәлијјатларла бағлы тәһдидләрлә үзләшиб, бу да фаҹиәви иткиләрә сәбәб олуб. Биз ермәни халгынын аҹысына ортаг олараг, АТӘТ-ин Минск Групу форматында вә диҝәр реҝионал форматларда реҝионал сабитлијин тәмин едилмәси вә мүнагишәнин низамланмасы үчүн Ермәнистан һөкумәти илә әл-әлә ишләјәҹәјик”,- дејә Бајден тәбрик мәктубунда гејд етмишди.
Бајден һәмчинин ермәни әсирләрин азад едилмәсинә дәстәк вәд едиб вә гејд едиб ки, АБШ Азәрбајҹанда сахланылан ермәни әсирләрин азад едилмәси истигамәтиндә тәдбирләри давам етдирәҹәк.
Бундан әлавә узунмүддәтли сијаси һәлл јолунун тапылмасы Бајден администрасијасынын Гарабағла бағлы гаршыја гојдуғу мәгсәдләр сырасындадыр.
342/
20 oktyabr 2021 - 17:20
Xəbər kodu: 1190462
АБШ Сенатынын малијјә комитәси Дағлыг Гарабағын ермәниләр јашајан әразисиндә миналардан тәмизләмә вә партламамыш һәрби сурсатларын зәрәрсизләшдирилмәси үчүн 2 милјон доллар ајрылдығыны ачыглајыб.
