Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Бангладешдә јерли һиндуларын сосиал шәбәкәләрдә өлкәнин мүсәлман әксәријјәтини тәһгир едән видеосуна етираз олараг давам едән нүмајишләр шиддәтә чеврилир.
Етираз заманы Даккадакы әсас Мәсҹидин әтрафындакы күчәләрә топлашан 10 минә јахын инсан Ислами сијаси партијалара аид плакатлар ҝәздирибләр. Ејни заманда, ҹүмә ҝүнү ејни јердә полислә тоггушмалара сәбәб олан етираз аксијасы кечирилиб.
Етиразчылар Бангладешин пајтахтында кечирилән етираз аксијасы заманы "Ислам дүшмәнләринә өлүм" вә "ҹинајәткарлары едам един!" кими шүарлар сәсләндирибләр.
Етиразларын әсас сәбәби, Бангладешин шәргиндәки Комила бөлҝәсиндә јерләшән јерли бир Һинду мәбәдинин танрычаларындан биринин дизиндә Гуран шәкилләринин јајылмасыдыр. Бу ашағылајыҹы һадисәдән сонра бу ҝүнә гәдәр өлкәнин мүхтәлиф бөлҝәләрдә бир нечә Һинду мәбәди дағыдылыб.
Бангладеш Ислам Һәрәкатынын рәһбәри Мусәддиг Биллаһ ал-Мәдәни, сосиал шәбәкәләрдә јајымланан тәһгирамиз ҝөрүнтүләрә ҹаваб олараг билдириб: "Һөкумәти Гураны тәһгир едәнләри һәбс етмәјә чағырырыг. Нүмајишчиләр бу видеонун һазырланмасыны вә јајымланмасыны тәмин едәнләрин едам едилмәсини тәләб едирләр.”
Гејд едәк ки, Һиндулар 160 милјонлуг Бангладеш әһалисинин 9 фаизини тәшкил едир, лакин Бангладешдә әсас дин Исламдыр вә Бангладешдәки мүсәлманларын сајы тәхминән 89,7 фаиздир.
Диггәт: Хәбәрдән Истифадә Етдикдә Мәнбәјә Истинад Лазымдыр!
