Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Иран Ислам Республикасынын Хариҹи Ишләр Назирлији Әфганыстанын Гәндәһар шәһәриндә Шиә Мәсҹидиндә төрәдилән террор акты илә әлагәдар ачыглама јајыб.
Назирлик ачыгламасында, тәкфирчи сионист әлалтыларынын Гәндәһар Шиә Мәсҹидинә төрәтдикләри террор актыны шиддәтлә гынајараг, Мүсәлман Үммәтинин дүшмәнләринин бөлүҹү планлары барәдә хәбәрдарлыг едиб:
“Иран Ислам Республикасы Хариҹи Ишләр Назирлији, тәкфирчиләрин Гәндәһардакы Фатимијјә Мәсҹидиндә ҹүмә намазына гатыланларын чохунун шәһид олмасы вә јараланмасы илә нәтиҹәләнән төрәтдикләри террор актыны шиддәтлә гынајыр вә шәһид аиләләринә, Әфганыстан халгына, һадисәдә сағ галанлара башсағлығы верир, Аллаһдан бөјүк мүкафат әта етмәсини диләмәклә јанашы инсанлыға гаршы төрәдилән бу ҹинајәт нәтиҹәсиндә јараланлара тәҹили шифа верилмәсини истәјир вә Мүсәлман Үммәтинин дүшмәнләринин бөлүҹү планлары барәдә бир даһа хәбәрдарлыг едәрәк, Ислам адына шиддәт вә екстремизми инкар етмәклә јанашы Шиә вә Сүнниләрин бирлијинә еһтијаҹ олдуғуну вурғулајыр.
Даһа әввәл Кундузда ибадәт едәнләрә едилән фаҹиәли һүҹум да дахил олмагла бу дәһшәтли һадисә, Әфганыстанда сајыглығын артырылмасы, Шиә вә Сүнни дини мәркәзләринин вә диҝәр топланты мәркәзләринин горунмасынын ики гат артырылмасы зәрурәтини вурғулајыр.
Иран Ислам Республикасы Әфганыстандакы мүсәлман баҹы вә гардашларымызын дүшмәнләринин бөлүшдүрүҹү планларыны емпатија, һәмрәјлик вә әмәкдашлыгла дәф едәҹәјинә әминдир.”
Диггәт: Хәбәрдән Истифадә Етдикдә Мәнбәјә Истинад Лазымдыр!
