АБНА24 Хәбәр Верир, бригада ҝенералы Әмир Гадир Рәһимзадә әлавә едиб: "«Вилајәт сәмасынын мүдафиәчиләри-1400» бирҝә һәрби тәлимләринин әсас мәрһәләсинин давамында ордунун һава һүҹумундан мүдафиә гүввәләри тәрәфиндән һазырланмыш "Ҹөвшән" вә "Хатәм" һава һүҹумундан мүдафиә системләри тәлим саһәсинә сызмаға чалышан дүшмән һәдәфләри ашағы һүндүрлүкдә мәһв етдиләр.
Бригада ҝенералы Рәһимзадә тәлимләрин бу мәрһәләсиндә, ашағы һүндүрлүкдә учан һәдәфләрлә тактики зенит-ракет комплексләри илә һәртәрәфли мүдафиә шәклиндә вә 360 дәрәҹә електрон мүһарибә мүһитиндә мүбаризәнин һәјата кечирилән тәдбирләрдән олдуғуну билдириб.
Иранын Бирҝә Һава Һүҹумундан Мүдафиә Гәрарҝаһынын командири әлавә едиб: "Һава саһәсиндә мүмкүн тәһдидләрин дәгиг гијмәтләндирилмәси бизи бу тәһдидләрә ујғун мүдафиә системләри инкишаф етдирмәјә сөвг етдириб вә бу ҝүн һеч бир тәһдид јохдур ки, онунла неҹә мүбаризә апармағы дүшүнмәмиш олаг".
Һава һүҹумундан мүдафиә үзрә ихтисаслашдырылмыш «Вилајәт сәмасынын мүдафиәчиләри-1400» бирҝә һәрби тәлимләри јерли зенит-ракет комплексләри, радар, кәшфијјат системләри, електрон мүһарибә вә рабитә системләри һабелә визуал мүшаһидә шәбәкәләринин ҝенишләндирилмәси вә гурашдырылмасы илә чәршәнбә ахшамы ҝүнүндән Иранын мәркәзи сәһрасында старт ҝөтүрүб.
342/
14 oktyabr 2021 - 14:49
Xəbər kodu: 1188819
Иранын Бирҝә Һава Һүҹумундан Мүдафиә Гәрарҝаһынын командири дејиб: "Һава һүҹумундан мүдафиә үзрә ихтисаслашдырылмыш «Вилајәт сәмасынын мүдафиәчиләри-1400» бирҝә һәрби тәлимләриндә јерли истеһсал олан "Ҹөвшән" вә "Хатәм" һава һүҹумундан мүдафиә системләри уғурла шәрти һәдәфләри мәһв етдиләр.
