АБНА24 Хәбәр Верир, Ким Чен Ын бир силаһ сәрҝисинин ачылыш мәрасиминдә белә сөјләјиб: Америкалыларын мүзакирә үзрә ардыҹыл хаһишләринә бахмајараг, һәлә онларын дүшмән олмадыгларына инанмаг үчүн һеч бир дәлил јохдур.
Ҹәнуби Корејанын давранышларыны тәнгид едән Шимали Корејанын рәһбәри Сеулу икиүзлүлүкдә иттиһам едиб.
Америка вә БМТ Тәһлүкәсизлик Шурасынын үзвләри Шимали Корејанын 2006-ҹы илдә кечирдији илк атом сынағындан бәри Пхенјана гаршы бир нечә мәрһәләдә санксија тәтбиг едибләр.
Шимали Кореја бу санксијалара рәғмән, америкалы гүввәләрин реҝиондакы иштиракы һәдәси илә мүбаризә апармаг үчүн өз һәрби ҝүҹүнү артырмаға тәкид едир.
Шимали Кореја билдирир ки, АБШ-ын Пхенјандакы һаким гурулушу девирмәк үзрә әдавәтли сијасәтинә сон гојмајанадәк өз ракет вә нүвә програмындан ҝери чәкилмәјәҹәк.
Ким Чен Ын 2018-ҹи илдә Америкада һакимијјәтдә олан президентлә ҝөрүшән илк Шимали Кореја рәһбәри олду. Амма ики өлкә арасындакы мүзакирәләр Ким Чен Ын илә Доналд Трамп арасында 2019-ҹу илдә кечирилән икинҹи ҝөрүшдән сонра дајандырылды.
342/
13 oktyabr 2021 - 13:56
Xəbər kodu: 1188452
Шимали Кореја президенти Американы Кореја јарымадасындакы бүтүн ҝәрҝинликләрин көкү адландырыб.
