Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, бу ил (Һиҹри Гәмәри 1443 ҹи- ил, Милади 2021) Әрбәин јүрүшүнә гатылан вә Имам Һүсејнин (ә) зәвварларына хидмәт ҝөстәрән Гум Елми Һөвзәсинин јүксәк сәвијјәли профессору Һөҹҹәтүл-Ислам вә Мүслимин "Һүсејн Вәһидпур" АБНА сајтынын Ирагдакы хүсуси мүхбиринә вердији мүсаһибәдә билдириб: “Һәјатымызын ән ҝөзәл анларыдыр. Бүтүн ади вә ҝүндәлик ишләр, дәрсләр, елми мүзакирәләр-ахтарышлар вә медиа бир тәрәфә, бир нечә ҝүнә ҝәлиб зәвварлара хидмәт етмәјимиз башга бир тәрәфә.
Бу һадисәнин мөһтәшәмлији сөзләрлә вә һәтта шәкилләрлә ифадә едилә билмәз; Амма Әрбәин зәвварларынын һамысына "дәнизә ахан чајлар" дејирәм.”
Нәҹәфдән Кәрбәлаја ҝедән әсас маршрутун 299 -ҹу сүтунунда мәрһум Ајәтуллаһ "Мирзә Ҹавад Тәбризи" кортежиндә хидмәт едән Һөҹҹәтүл-Ислам вә Мүслимин "Һүсејн Вәһидпур" билдириб: "Бу инсанлар гәлбләрини вә руһларыны бу мәнәви чајын ичиндә тәмизләјирләр. Үрәкләри тәмизләмәјин јолу будур. Зәвварлар инди дәнизә апаран чајларда гәрар тапырлар. Кәрбәлаја дахил олдугдан сонра исә дәнизә дахил олаҹаглар. Дәнизә бағланан су даимидир. Јерә бир дамла су дүшәрсә гурујар; Амма дәнизә дамланарса, онун бир һиссәси олур. Бу әһали дә Кәрбәла дәнизинә бағланмагла өзүнү давамлы едир.”
Һөҹҹәтүл-Ислам вә Мүслимин "Һүсејн Вәһидпур", бу ил Әрбәин мөҹүзәләриндән бири барәдә белә бујуруб: "Америка шәһәрләриндән бириндә ҹәми 30 шиә вар вә бу ил 30 адамын һамысы Әрбәин јүрүшүнә ҝәлмишдир; Јәни, о шәһәрин бүтүн шиәләри бу зијарәтә ҝедибләр.”
О, дүнја медиасында Әрбәин јүрүшүнүн хәбәр бојкотуну тәнгид едәрәк дејиб: "Бәзән дүнјада кичик бир дәјәрсиз һадисә баш верән кими хариҹи медиа хәбәрләринин башлығында гәрар тапәр вә тәблиғат дәсҝаһлары ону бөјүдүр вә бүтүн дүнјаја јајымлајыр! Амма һәр јердә мүхбирләри олан ејни медиалар, Әрбәин мәрасимини сензура едирләр!
Мән суал едирәм: Планетин ән бөјүк дини топлантысы олан Әрбәин Јүрүшүнүн дүнја медиаларында јајымланмағына һаггы јохдурму?”
Ҹәнаб Вәһидпур сензуранын сәбәбини белә ифадә едиб: “Онлар билирләр ки, әҝәр дүнја бу сәһнәләри ҝөрсә, "Һүсејн кимдир? Кәрбәла һарададыр? Инсанлар нијә јүрүш едир?" дејәрәк суал едәиб марагланаҹаглар. Бах бу суал вә онун ҹавабы “дүнја ҝүҹләринин” марагларына ујғун дејил.”
Ҹәнаб Һүсејн Вәһидпур билдириб: "Дүшүнүрәм ки, Әрбәин јүрүшү Ашура һәрәкатындан даһа өнәмлидир, чүнки бу, давамлы вә мүтәшәккилдир. Әмин олун ки, Әрбәин һәрәкаты нә тәтил олунаҹаг, нә дә сөнмәјәҹәк. Инанырам ки, Әрбәин јүрүшү һәр ил даһа да һәјәҹанлы олаҹагдыр. Бу тәҹрүбәдән кечиб. Ираглылар бу ил милјонларла иранлы зәвварын олмадығыны һисс етдиләр вә биз бу бошлуғу долдурмалыјыг дедиләр вә һәгигәтән дә етдиләр. Бу илки хидмәт вә иштирак әввәлки илләрдән һеч нә илә фәргләнмир. Һәтта дејәрдим ки, бу илки һазырлыг вә хидмәтләр өтән илләрә нисбәтдә даһа чохдур. Ираглылар бүтүн варлыгларыны сәмимијјәтлә ортаја гојуб, ихласа мејдана ҝәлдиләр.
Бу мәрасим чох мөһтәшәмдир вә бура ҝәлиб сәһнәни даһа да мөһтәшәм етмәк бизим үчүн ән бөјүк ибадәтләрдән биридир – дејән Гум Елми Һөвзәсинин профессору "Фәргли өлкәләрдән ҝәлән зәвварлар Әрбәин ҝәзинтисиндән өзләри илә нә ҝөтүрмәлидир?" суалына белә ҹаваб вериб:
"Ән јахшы совгат, даһа чох мәрифәтли вә елимли олмагдыр. Әрбәин зәввары, елм вә мәрифәтлә бу јола гәдәм гојур; Чүнки ҝөрдүјү ишә аҝаһ олмасајды, бурада олмајаҹагды. Елмин голу севҝи вә еһтирасдыр. Бу јол јалныз ҹазибәдарлыг тәләб едир; Дахили магнит инсанын мәнәмлијини өлдүрүб, бураја ҝәтирмәк истәјир. Чүнки бу јүрүш чәтиндир.”
Диггәт: Хәбәрдән Истифадә Етдикдә Мәнбәјә Истинад Лазымдыр!
