АБНА24 Хәбәр Верир, президент Илһам Әлијев дејиб: "Мән Пашинјанла о, һазыр оланда истәнилән заман данышмаға һазырам”.
Лакин Гарабағын ҝәләҹәји барәдә суала вә бу реҝионун статусуну мүәјјәнләшдирмәјин лазым олмасы барәдә бәјанатлара ҹаваб верән Әлијев бу мәсәләнин гапандығыны билдириб: “Гарабағын статусу мәсәләсинә гајытмаг мүмкүн дејил. Статус јохдур вә һәр кәс бу мәсәләни унутмалыдыр. Гарабағда јашајан 25 минә јахын етник ермәни јашајыр, онлар Азәрбајҹан вәтәндашларыдыр вә онларын һүгугларына тәминат верилир.”-, дејә Азәрбајҹанын дөвләт башчысы вурғулајыб.
Әлијевин сөзләринә ҝөрә, Ермәнистан өз "хош нијјәт”ини нүмајиш етдирмәлидир, о заман Азәрбајҹанын реаксијасы да адекват олаҹаг. Лакин Ермәнистан һәлә дә сүлһ тәшәббүсләринә мүсбәт ҹаваб вермәјиб. Ирәван сәрһәдләрин делимитасијасы илә бағлы Авропа Иттифагынын тәклифинә дә ҹаваб вермәјиб.
Әлијевин мүсаһибәсинин јајылмасындан дәрһал сонра Ермәнистанын баш назири
Никол Пашинјан да Илһам Әлијевлә ҝөрүшә һазыр олдуғуну бәјан едиб.
Бу барәдә Ермәнистан Тәһлүкәсизлик Шурасынын катиби Армен Григорјан Иҹтимаи Телевизијаја мүсаһибәсиндә билдириб.
Тәһлүкәсизлик Шурасынын катиби дејиб: "Биз Азәрбајҹан президенти илә јүксәк сәвијјәдә ҝөрүшә һазыр олдуғумузу бәјан етмишик. Биз буна әввәлләр дә һазыр идик вә әҝәр Илһам Әлијев дә бу ҹүр һазырлыг нүмајиш етдирсә, үмид едирик ки, Минск Групу чәрчивәсиндә мүзакирәләр кечириләҹәк вә ҝөрүш јахын ҝәләҹәкдә баш тута биләр".
Григорјанын сөзләринә ҝөрә, Гарабағ мүнагишәси һәлл олунмајыб вә АТӘТ-ин Минск Групу һәмсәдрләринин реҝиона ҝөзләнилән сәфәри буну бир даһа тәсдигләјир.
Ермәнистан Тәһлүкәсизлик Шурасынын рәһбәри вурғулајыб ки, проблемин бүтүн компонентләри үчүн һәлл тапылмалыдыр.
Мүшаһидәчиләр билдирирләр ки, ермәни тәрәфинин статус мәсәләсиндә исрарлы галдығыны нәзәрә алараг лидерләр арасында ҝөрүш баш тутса белә, онун сүлһ сазиши илә нәтиҹәләнә биләҹәјини вә рәсми Ирәванын Азәрбајҹанын әрази бүтөвлүјүнү танымаға һазыр олаҹағыны сөјләмәк чәтиндир. Бу һәм дә онунла бағлыдыр ки, статус мәсәләсиндә Пашинјан сөз саһиби дејил вә ермәни лобби тәшкилатларынын, еләҹә дә АБШ вә Франсанын статус тәләбиндән ваз кечмәси реал ҝөрүнмүр.
342/
4 oktyabr 2021 - 15:06
Xəbər kodu: 1185846
Азәрбајҹан Республикасынын президенти Илһам Әлијев Испанијанын ЕФЕ аҝентлијинә мүсаһибәсиндә Ермәнистанын баш назири илә ҝөрүшә һазыр олдуғуну билдириб, Ермәнистан бу тәклифи алгышлајыб.
