Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Әрбәин јүрүшүнә гатылан бир Түркијә вәтәндашы Ирагдакы мүхбиримизә вердији ексклүзив мүсаһибәсиндә дејиб: “Имам Һүсејн (әлејһи сәлам) Исламын ҝөзәллијидир вә бүтүн мүсәлманлар вә дүнја халглары үчүн бәнзәрсиз бир шәхсијјәтдир. Ислам бөјүк бир диндир вә Ислам һәр кәс үчүн бир мәктәбдир.”
АБНА мүхбири илә сөһбәт едән "Ҹәфәр Дашдәмир" әлавә едиб: “Имам Һүсејн (әлејһи сәлам) гәлбимиздәдир. Ислам Пејғәмбәри (сәлләллаһу әлејһи вә алиһ) Әһли-бејтин (әлејһимус сәлам) гуртулуш ҝәмиси олдуғуну вә бу ҝәмидә олан һәр кәсин сәадәтә чатаҹағыны сөјләмишдир.”
Дашдәмир Әрбәин јүрүшүнә гатылмагла бағлы һиссләри һаггында белә дејиб: "Һиссләрими бир нечә ҹүмлә илә ифадә етмәк чох чәтиндир. Әрбәин јүрүшүнә "Лабеек ја Һүсејн" демәк үчүн ҝәлдик.”
Истанбул сакини, Әрбәин јүрүшүнүн месажы һаггында бунлары дејиб: "Әрбәин Јүрүшү, Ислам дүнјасында хүсуси бир координатору олмајан ән бөјүк тәшкилат вә гурулушдур. Вә Әбаәбдиллаһил Һүсејнин (әлејһи сәлам) тәрәфдарлары һәр ил бу мәрасимлә бөјүк ҹошғу илә бу мәрасимә гатылырлар.”
Минләрлә түркијәли шиәләрин Әрбәин јүрүшүндә иштирак етдијини дејәрәк, виза алма проблемләринә ишарә едән Дашдәмир белә дејиб: “Виза алмаг чох да асан дејилдир. Бәзиләри ҝүҹ-бәла илә виза ала билмишләр.”
Илк дәфә Әрбәин Јүрүјүшүнә гатылан Түркијә вәтәндашы дүнјаја "Һәр кәси Әрбәин Јүрүшүнә гатылмаға вә бурадакы аб -һаваны ҝөрмәјә чағырырам" деди. О һәмчинин гејд етди: “Корона епидемијасындан әввәл, Әрбәин јүрүшүндә 25-30 милјон зәввар вар иди вә бу инанылмаздыр. Әрбәин Јүрүјүшү, дүнјанын һеч бир јериндә олмајан бәнзәрсиз бир атмосферә вә аураја маликдир.”
О, Ираг халгынын ев саһиблији етмәклји илә бағлы дејиб: "Ирагда илк сәфәримдир. Демәлијәм ки, Ираг халгы чох тәвазөкардыр. Ираглылар гапыларыны ачыр вә гонагпәрвәрдирләр вә бу гәдәр гонагпәрвәрлик инанылмаздыр.”
Диггәт: Хәбәрдән Истифадә Етдикдә Мәнбәјә Истинад Лазымдыр!
