АБНА24 Хәбәр Верир, Франса ихтисаслашдырылмыш хидмәтләри тәрәфиндән апарылмыш тәһгигатлар бу өлкәнин милли тәһсил, дәнизкәнары әразиләр, өлкәнин инкишафы, мәнзил вә кәнд тәсәррүфаты назирләринин мобил телефонларында «шүбһәли нишанәләр»ин олдуғуну ҝөстәриб.
"Ле Монде" гәзети сон заманлар билдириб ки, Франса президенти Еммануел Макронун ҹиб телефону «Пегасус» програмы васитәсилә ҹасуслуға мәруз галыбдыр.
«Пегасус» ҹасуслуг програмы илә бағлы бејнәлхалг сәвијјәли галмагал бир нечә бејнәлхалг медиа тәрәфиндән онун Франса президенти дә дахил олмагла сијаси шәхсијјәтләр, сијаси активистләр вә журналистләрдән бир групунун мобил телефонуна сызмасы барәдә мәлуматларын јајылмасындан сонра башланыб.
Он једдидән чох информасија тәшкилатынын әһатәли тәһгигаты ҝөстәрди ки, сионист «НСУ» технолоҝија ширкәтинин дүзәлтдији «Пегасус» ҹасуслуг програмындан дүнја сәвијјәсиндә јүзләрлә журналист, сијаси вә иҹтимаи активист, һәмчинин сијаси хадимин ҹиб телефонундан ҹасуслуг үчүн истифадә олунуб.
«ҸНБҸ» телеканалынын мәлуматына ҝөрә, мобил телефону бу ҹасуслуг програмы тәрәфиндән һакк едилмиш мүһүм сијаси шәхсијјәтләрдән бири, сәудијјә вәлиәһди Мәһәммәд Бин Салманын амилләри тәрәфиндән 2018-ҹи илдә гәтлә јетирилмиш Бин Салманын мүхалифи- журналист Ҹамал Гашыгчынын нишанлысыдыр.
342/
25 sentyabr 2021 - 15:31
Xəbər kodu: 1182999
Сионист режимә мәхсус олан «Пегасус» ҹасуслуг програмы Франса һөкумәтинин азы беш назиринин мобил телефонуна нүфуз едиб.
